I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
AKTUALITET
Durrës/ Prerje të pyjeve dhe ndërtime pa leje, nis procedimi penal për pesë persona
PiranjatPërditësimi i fundit 1 Tetor 2025, 14:18
Policia ka nisur procedim penal për katër persona në Durrës, pasi akuzohen për prerje të pyjeve dhe për ndërtim pa leje.
Në njoftimin e bërë publik nga policia theksohet se katër persona, banues në Shijak janë proceduar penalisht për ndërtim pa leje.
Ndërkohë, një person tjetër, banues në Rrogozhinë është proceduar për shkak të prerjes së pyjeve.
Njoftimi i policisë:
Durrës/Kontrolle në terren dhe verifikime të koordinuara me organet kompetente, për parandalimin dhe goditjen e krimeve kundër mjedisit.
Konstatohen 4 raste të ndërtimeve dhe 1 rast i prerjes së pyjeve, në kundërshtim me ligjin.
Në përfundim të veprimeve procedurale për këto raste, specialistët për Hetimin e Krimeve të komisariateve të Policisë Shijak dhe Kavajë referuan materialet në Prokurori, ku nisi procedimi në gjendje të lirë për shtetasit:
-E. O., 38 vjeç, M. L., 38 vjeç, F. T., 54 vjeç dhe A. D., 30 vjeç, të katërt banues në Shijak, për veprën penale “Ndërtimi i paligjshëm”;
-L. A., 36 vjeç, banues në Rrogozhinë, pasi dyshohet se ka prerë dru në fshatin Gosë e Madhe, në kundërshtim me ligjin.
Kontrollet kundër këtyre veprimtarive të paligjshme, vijojnë.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
