Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
"E dinim që fliste me të po donim ta izolonim si rast," gjyshi i 13-vjeçares: 64-vjeçari ka përdhunuar më parë një grua në fshat! Nuk treguam se na vinte turp
n.fPërditësimi i fundit 23 Maj 2024, 14:58
Foto ilustruese
DEVOLL- Detaje të reja tronditëse janë zbardhur në lidhje me ngacmimin seksual të 13-vjeçares në Devoll. Pas dëshmisë së nënës së vajzës është zbardhur edhe dëshmia e gjyshit të 13-vjeçares ku është shprehur se ata kishin kohë që e dinin se vajza bënte muhabet me 64-vjeçarin.
Më tej në dëshminë e tij gjyshi i të miturës u shpreh se edhe e pse e dinin si rast donin ta izolonin si muhabet dhe nuk reaguan. Sipas dëshmisë së gjyshit vajza komunikonte me 64-vjeçarin përmes telefonit të tij pasi e mitura nuk kishte telefon. Gjyshi u shpreh se një moment ai ishte mërzitur dhe nuk donte ta lejonte vajzën të përdorte telefonin e tij dhe ajo tentoi të fshinte mesazhet që kishte me 64-vjeçarin me të cilin kishin edhe lidhje gjaku sipas të moshuarit.
Ashtu si dëshmia e nënës edhe gjyshi e konfirmoi se vajza e mitur takohej me 64-vjeçarin jashtë fshati ndërsa kur ajo kthehej në shtëpi kishte patatina në dorë. Gjyshi shtoi se kur vinte vajza me lekë në shtëpi e detyronim të na tregonte ku i gjente ndërsa ajo u thoshte se ia kishte thënë 64-vjeçarin të cilin e kishte ndihmuar. Gjyshi i vajzës rrëfeu se babai i 13-vjeçares nuk është në dijeni të rastit pasi jeton në Greëqi dhe kanë turp ti tregojnë. Ai shtoi se 64-vjeçari kishte përdhunuar më parë një grua në fshat.
"Kishte disa kohë që vajza bënte muhabet me 64 vjecarin,ne e kishim marrë vesh por donim sikur ta izolonim si muhabet. Kur pardje unë e kisha lënë telefonin mbi divan kjo(mbesa)erdhi dhe komunikonte me atë. Ajo komunikonte me telefonin tim se nuk ka telefon. Vazhdoi ca kohë dhe unë u mërzita dhe i thashë lere telefonin se më duhet.
Kjo sikur u step dhe u mundua t’i fshinte ato që kishte shkruar, unë u detyrova ja mora celularin, por nuk e merrja vesh cfarë kishte bërë. Nusja e madhe, kunata e mori e hapi dhe lexoi mesazhet. Në mesazhe thoshin ku do takohen. Ata kishin kohë, por unë para dy ditësh e zura me telefon. Ata takoheshin edhe jashtë fshatit. Mbesa është 13 dhe ai 64 . Në gjak jemi, por të largët, por këtë e joshte me ndonjë lek, na vinte në shtëpi me patetina në dorë.
Vajza thotë më ka prekur në të gjitha pjesët e trupit, por do e shohin mjekët se ka edhe një shenjë në krah. Policia e mbajti telefonin tim deri në 23:30 i regjistroi të gjitha. Ai ka patur numrin tim të telefonin se edhe më ka uruar për sebepe në messenger. Ai fliste me këtë adresë. Kur vinte vajza me lek në shtëpi e detyronim të na tregonte ku i gjente dhe na thoshte mi dha filani se e ndihmova, ne e dinim cfarë mund ta ndihmonte atë.
Nuk ja shihnim lekët, por vinte me qeskë me patetina etj. Vajza jeton me nënën dhe motrën, babain e ka në Greqi. Edhe 64 vjeçari ka familjen e tij. Nëpërmjet telefonit kur e zbuluam thirrëm nënën e saj, u detyrova unë të shkoja ta takoja atë(64 vjeçarin) por nuk më doli. Takoj një punonjës policie dhe i them kështu kështu më tha merr, merr tel me vete dhe sille.
E pa ai dhe kërkoi vajzën për të bërë denoncim. I tha punonjësve më ka ngacmuar. Ai ka qënë më përpara problematik për dy raste ka vuajtur goxha vite(njëherë për vrasje njëherë për përdhunimin e një gruaje në fshat) Të jatit nuk i kemi treguar, as familjarëve të tjerë na vjen turp…si t’iu thuash…" tha gjyshi i të miturës.
