Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
AKTUALITET
Ekstradohen dy persona të dënuar me burg
PiranjatPërditësimi i fundit 29 Dhjetor 2025, 13:53
Dy persona janë ekstraduar nga Spanja dhe në Gjermani për mashtrim dhe trafik lëndësh narkotike.
Sipas policisë, nga Spanja u ekstradua një 42-vjeçarja Marjana Gjona, e cila është dënuar nga gjykata e Pogradecit me 7 vite burg në vitin 2019 për veprën penale të mashtrimit me pasoja të rënda.
Ndërsa në Gjermani u ekstradua nga Shqipëria një 26-vjeçar i huaj, Metehan Tutuncu, 26 vjeç, i cili është dënuar nga Gjykata e Aschaffenburg në vitin 2023, me 6 vjet e 6 muaj burgim, për trafikim të lëndëve narkotike.
Njoftimi i policisë:
Interpol Tirana/Finalizohen faza të tjera të operacionit ndërkombëtar, të koduar “The Wanted”.
Ekstradohet nga Spanja, një shtetase e dënuar me 7 vjet burgim, për mashtrim me pasoja të rënda.
Ekstradohet në Gjermani, një shtetas i dënuar me 6 vjet e gjysmë burgim, për trafik të lëndëve narkotike.
Në vijim të bashkëpunimit të konsoliduar ndërmjet specialistëve të Drejtorisë së Interpolit dhe homologëve të tyre në Spanjë dhe në Gjermani, u finalizuan në kuadër të operacionit “The Wanted”, procedurat për ekstradimin:
-nga Spanja, në Shqipëri, të shtetases Marjana Gjona, 42 vjeçe, e cila është dënuar në vitin 2019, nga Gjykata e Rrethit Gjyqësor Pogradec, me 7 vjet burgim, për veprën penale “Mashtrimi”, me pasoja të rënda;
-nga Shqipëria, në Gjermani, të shtetasit Metehan Tutuncu, 26 vjeç, i cili është dënuar nga Gjykata e Aschaffenburg, Gjermani, në vitin 2023, me 6 vjet e 6 muaj burgim, për trafikim të lëndëve narkotike.
