Gjykata Penale ka vendosur lirimin e tre protestuesve të ndaluar gjatë protestave studentore, të cilat vijojnë prej dy javësh në...
AKTUALITET
EMRAT/ Operacioni në Sarandë dhe Ksamil, kush janë disa nga të arrestuarit
PiranjatPërditësimi i fundit 25 Maj 2026, 23:30
Detaje të reja janë zbardhur nga operacioni i gjerë i zhvilluar në zonën e Sarandës dhe Ksamilit për goditjen e ndërtimeve pa leje, ku në pranga kanë rënë disa persona, ndërsa të tjerë janë shpallur në kërkim.
Burime bëjnë me dije se deri më tani të arrestuarit janë Kristofor Shkrepa, me detyrë inspektor policie në zonën e Ksamilit, si edhe biznesmeni Alqi Papa, pronar i hotel “Oasis” në Sarandë.
Ndërkohë, sipas informacioneve të fundit, operacioni është shtrirë me një numër të konsiderueshëm urdhër-arrestesh, ku mësohet se janë lëshuar 4 urdhër-arreste për efektivë të Komisariatit të Policisë Sarandë, 4 për zyrtarë të IMT Sarandë dhe 4 për ndërtues.
Nga radhët e efektivëve të policisë janë arrestuar Kristofor Shkrepa dhe Kastriot Satka, të dy specialistë zonash. Ndërsa ish-shefi i Krimeve, Blerim Tafçiu, është caktuar me masën “arrest në shtëpi”, ndërsa oficeri i krimeve Irakli Koçiaj është shpallur në kërkim.
Sa i përket zyrtarëve të Inspektoratit të Mbrojtjes së Territorit në Bashkinë Sarandë, raportohet se asnjë prej tyre nuk është arritur të kapet deri tani.
Në grupin e ndërtuesve, i arrestuar është vetëm pronari i hotel “Oasis”, Alqi Papa, ndërsa tre persona të tjerë janë ende në kërkim.
Sipas burimeve paraprake, Prokuroria ka lëshuar disa urdhër-arreste, në kuadër të një hetimi që përfshin efektivë të Policisë së Shtetit, zyrtarë lokalë, biznesmenë dhe ndërtues, të dyshuar për lidhje me aktivitetin e paligjshëm të ndërtimeve në vijën bregdetare.
