EMRI/ Përfitoi 30 mijë euro nga veprimtaritë kriminale, sekuestrohen paratë e 30-vjeçarit në Fier

foto ilustruese

FIER- Sektori për Hetimin e Krimeve Ekonomike ka vendosur sekuestro preventive në llogarinë bankare të një 30-vjeçari. Mësohet se llogaria bankare me 30 mijë euro është në emrin e 30-vjeçarit Armando Bregasi dhe dyshohet se këto para janë përfituar nga veprimtaritë kriminale.

Bëhet me dije se Armando Bregasi ka qenë i arrestuar në Greqi për veprat penale trafikimi i narkotikëve dhe organizata kriminale. Me rastin do të merret Prokuroria Fier, ku ndaj Bregasit rëndon vepra penale "Pastrimi i produkteve të veprës penale ose veprimtarisë kriminale”.  

Njoftimi i Policisë:

DVP Fier/Finalizohet operacioni i koduar "The end".  

Sektori për Hetimin e Krimeve Ekonomike ka ekzekutuar vendimin e Prokurorisë për vendosjen e sekuestros preventive mbi një llogari bankare me 30 000 euro që dyshohet se janë përfituar nga veprimtaritë kriminale të kryera nga një 30-vjeçar.         

30-vjeçari, i arrestuar në Greqi, për veprat penale "Trafikimi i narkotikëve" dhe "Organizata kriminale".   

Në kuadër të një hetimi të kryer për disa muaj, me metoda proaktive, në drejtimin e Prokurorisë pranë Gjykatës së Shkallës së Parë të Juridiksionit të Përgjithshem Fier, Sektori për Hetimin e Krimeve Ekonomike, në zbatim të vendimit të kësaj prokurorie, ka vendosur sekuestro preventive mbi një llogari bankare me shumën 30 000 euro, në emër të shtetasit A. B., 30 vjeç, banues në Fier.

Vijon puna hetimore për evidentimin dhe sekuestrimin e pasurive të tjera të këtij shtetasi, që mund të jenë përfituar nga veprimtaritë kriminale.

Materialet procedurale do t’i kalojnë Prokurorisë, për veprime të mëtejshme, për veprën penale "Pastrimi i produkteve të veprës penale ose veprimtarisë kriminale”.  

fier