Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
EMRI/ "Po hape gojën do të vrasim mamanë", Trafikoi nusen në Itali për prostitucion, dënohet me 17 vite burg vjehrra
S.BPërditësimi i fundit 21 Maj 2024, 12:50
foto ilustruese
BERAT- Trafikoi nusen me qëllim prostitucionin në Itali, dënohet me 17 vite burg vjehrra. Mësohet se Dashuri Shkurti në bashkëpunim me djalin e saj E.M ka rekrutuar, transportuar dhe trafikuar nga Berati në Vlorë dhe në Itali nusen M.S.
Bëhet me dije se Shkurti ka ndaluar nusen të ketë komunikim me familjarët dhe të afërmit duke e kërcënuar se nëse e bënte do ti vrisnin mamanë. Ngjarja ka ndodhur në vitin 2018 ku nusja ka qenë e papunë dhe me asistencë sociale. Pasi u njoh me E.M u fejuan dhe jetuan në banesën e këtij të fundit.
Nusja mësohet të ketë zbuluar planin e trafikimit nga një bisedë në Facebook. Në përfundim të hetimeve Gjykata e Beratit shpalli Dashuri Shkurtin fajtore për veprën penale ‘Trafikimi i personave të rritur’ me 17 vite burgim.
Njoftimi i plotë:
Prokuroria pranë Gjykatës së Shkallës së Parë të Juridiksionit të Përgjithshëm Berat përfundoi hetimin për procedimin penal nr.221 të vitit 2018 dhe kërkoi dënimin me 22 vite burg të të pandehurës D.Sh për veprën penale ‘Trafikimi i personave të rritur’, parashikuar nga neni a/4 i Kodit Penal.
Në përfundim të gjykimit dhe pas analizës në tërësi të të dhënave dhe provave të marra, Prokuroria arriti në përfundimin se, ka të prova të mjaftueshme se e pandehura D.Sh, në bashkëpunim me shtetasit E.M. dhe F.D. ka kryer veprën penale për të cilën u akuzua. Ajo me veprime aktive ka rekrutuar, transportuar në shtetin Italian, viktimën M.S., me qëllim shfrytëzimin për prostitucion.
E pandehura D.Sh e ka rekrutuar, transportuar dhe trafikuar nga Berati në Vlorë e më pas në shtetin Italian, nëpërmjet fshehjes dhe formës së ngjashme me skllavërimin duke e ndaluar të takohet dhe komunikojë me persona të tjerë dhe familjarët, duke e detyruar që t’i bindej çdo urdhri të saj. Ajo e ka trafikuar viktimën M.S., fakt ky i provuar edhe nga deklarimet e viktimës, se e pandehura i ka thënë- ti do të vish në Itali dhe po hape gojën të shkosh në polici ne do të vrasim mamanë.
Viktima, shtetasja M.S. ka deklaruar se rreth muajit Shkurt të vitit 2018 ka qenë e papunë dhe e asistuar nga shërbimet sociale të qytetit të Beratit është njohur me të pandehurin E.M., njohje e cila pas pak kohësh është zyrtarizuar dhe në familjet e tyre. Pas përfundimit të ceremonive përkatëse ajo ka shkuar të jetojë tek banesa e të fejuarit i cili përgjithësisht e trajtonte mirë por shumë shpejt nisën dyshimet për sinqeritetin e të pandehurit kur gjatë një bisede në rrjetin social facebook, ajo e prezantuar në komunikim me të ëmën e tij, shtetasen D.S. dhe ka zbuluar planin për dërgimin e saj në Itali.
Në përfundim të hetimeve dhe konkluzioneve të Prokurorisë pranë Gjykatës së Shkallës së Parë të juridiksionit të Përgjithshëm Berat, gjykata e shpalli të pandehurën D.Sh. fajtore dhe e dënoi me 17 vite burgim.
