Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
AKTUALITET
Emri/ U zbulua në anijen gjysmë të mbytur, skafisti nga Saranda arrestohet nga policia greke pas asaj që u zbulua në mjetin lundrues
PiranjatPërditësimi i fundit 24 Tetor 2025, 18:33
Rasti i një anijeje gjysmë të fundosur, në të cilën, pas inspektimeve, u zbulua një sasi e madhe droge, ka shkaktuar bujë në Igumenicë. E gjitha filloi në orët e para të së premtes kur Qendra e Unifikuar e Koordinimit të Kërkimit dhe Shpëtimit raportoi një varkë gjysmë të fundosur në zonën detare të ishullit Prasoudi.
Anija mbante një shtetas 50-vjeçar shqiptar, i cili u gjet dhe u shpëtua nga një ekuipazh i anijes patrulluese të Rojës Bregdetare në zonën detare midis Korfuzit dhe Igumenicës.
Burri u transportua në portin e Igumenicës dhe më pas, për arsye paraprake, në Spitalin e Përgjithshëm Filiates. 50-vjeçari u mor në paraburgim i identifikuar si Edmond Musa, i njohur me pseudonimin “Çimoni”, u arrestua nga policia greke. Ai rezulton i skeduar në trafikun ndërkombëtar të lëndëve narkotike.
Kërkimet e Rojës Bregdetare vazhduan dhe në mesditë ku ekipet gjetën anijen gjysmë të fundosur disa milje në veri, pranë Sagiadës, ku ishte tërhequr nga erërat juglindore.
Gjatë operacionit për tërheqjen e mjetit lundrues, autoritetet portuale u përballën me një zbulim të papritur, pasi brenda mjetit lundrues kishte një sasi të madhe kanabisi, të fshehur me kujdes.
Lënda narkotike u sekuestrua dhe po transportohet nga anijet e autoritetit portual drejt Portit të Igumenicës, ndërsa Autoriteti Portual i Igumenicës po kryen një hetim paraprak për të sqaruar rastin dhe rrugën e ngarkesës, e cila duket se ka qenë e destinuar për në territorin grek.
