EMRI/ Ushtronte dhunë sistematike ndaj bashkëshortit, arrestohet 33-vjeçarja në Tiranë, porositi dy persona për ta rrahur

TIRANË- Një 33-vjeçare është arrestuar ditën e sotme në Tiranë. Mësohet se Eranda Sina ushtronte vazhdimisht dhunë ndaj bashkëshortit të saj 35-vjeçar.

Bëhet me dije se Sina kishte lënë takim më 31 gusht me bashkëshortin tek Ura e Institutit, por në vend të saj kanë shkuar dy persona të paidentifikuar, të cilët kanë ushtruar dhunë ndaj 35-vjeçarit. Ky i fundit ndodhet në spital nën kujdesin e mjekëve.

Njoftimi i Policisë:

Specialistët për Hetimin e Krimeve në Komisariatin e Policisë Nr. 3 arrestuan shtetasen Eranda Sina, 33 vjeçe, banuese në Tiranë, pasi në mënyrë të vazhdueshme dyshohet se ka ushtruar dhunë ndaj bashkëshortit të saj, 35 vjeç, banues në Institut.

Më datë 31.08.2024, 33-vjeçarja ka lënë një takim me bashkëshortin e saj në afërsi të Urës së Institutit, dhe në vendtakimin e caktuar, kanë shkuar dy persona ende të paidentifikuar, të cilët kanë ushtruar dhunë ndaj 35-vjeçarit, i cili si pasojë e dëmtimeve të marra ndodhet në spital, në spital në kujdesin e mjekëve.

tiranë