Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
AKTUALITET
Endacaku gjendet i dhunuar në mes të qytetit, mister mbi plagët në trupin e tij
PiranjatPërditësimi i fundit 28 Shkurt 2026, 10:44
Një ngjarje e rëndë është regjistruar mëngjesin e sotëm në qendër të qytetit të Fierit, ku një endacak i identifikuar si Qirjako Ferti është gjetur i shtrirë në tokë, pa ndjenja dhe me shenja të dukshme dhune në trup.
Kanë qenë kalimtarët e rastit ata që, të alarmuar nga gjendja e tij, kanë njoftuar menjëherë shërbimin e urgjencës.
Ambulanca ka mbërritur në vendngjarje dhe e ka transportuar 60-vjeçarin drejt Spitali Rajonal Fier, ku aktualisht ndodhet nën kujdesin e mjekëve.
Sipas burimeve nga bluzat e bardha, Ferti vuan nga probleme të shëndetit mendor dhe vetëm një javë më parë ishte paraqitur në urgjencë në gjendje të rënduar shëndetësore. Mjekët kanë ndërhyrë për t’i dhënë ndihmën e parë, ndërsa po monitorojnë nga afër situatën e tij.
Ndërkohë, Policia e Fierit ka nisur hetimet për të zbardhur rrethanat e kësaj ngjarjeje.
Dyshohet se i moshuari mund të jetë dhunuar nga persona të paidentifikuar, por nuk përjashtohet as pista e vetëdëmtimit në kushte të rënduara psikologjike.
Autoritetet po punojnë për të siguruar pamje filmike nga kamerat e sigurisë në zonë dhe për të marrë dëshmi nga banorë apo biznese pranë vendit ku u gjet 60-vjeçari.
Hetimet pritet të hedhin dritë mbi atë që ka ndodhur realisht në orët e para të mëngjesit në zemër të qytetit.
