Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
FOTOLAJM/ Jeff Bezos drejt altarit këtë verë në Venecia, jahti i tij luksoz ndalon të furnizohet në Portin e Durrësit
M.B.Përditësimi i fundit 30 Maj 2025, 14:21
DURRËS- "Abeona", jahti luksoz i miliarderit, CEO-s së Amazon, Jeff Bezos, me një ekuipazh prej 26 marinarësh, është ankoruar sot për furnizim në portin e Durrësit. Jahti me emrin e perëndeshës romake Abeona, mbrojtëse e udhëtarëve dhe fëmijëve në udhëtime të gjata, është ankoruar në port dhe pritet të marrë 95 mijë litra karburant dhe furnizime të tjera.
I lançuar në vitin 2023 nga kompania prestigjioze holandeze Damen Yachting, “Abeona” përfaqëson standardet më të larta të ndërtimit detar, me një superstrukturë alumini prej 76 metrash të gjatë dhe gjerësi 12 metra, ky jaht është projektuar për lundrime të gjata e të sigurta.
Jahti lundron nën flamurin e Ishujve Kajman dhe ka mbërritur në Durrës mëngjesin e së premtes nga porti francez i La Ciotat, duke u ankoruar në kalatën nr. 5.
Mësohet se jahti po lëviz në zonë dhe më pas do të ndalojë në Venecia, ku pritet të bëhet dasma e Bezos muaj që po vjen. Miliarderi Jeff Bezos do të martohet me ish-gazetaren amerikane Lauren Sánchez në një dasmë luksoze në Venecia të Italisë.
Mediat e huaja shkruajnë se dasma është cilësuar tashmë si "dasma e vitit", pasi pritet të mbahet në jahtin e Jeff me vlerë 500 milionë dollarë. Thuhet gjithashtu se të ftuar të nivelit të lartë do të fluturojnë për në Venecia të Italisë për dasmën, e cila do të mbahet gjithashtu në një ishull venecian në një teatër të hapur.
