Çmimet e larta të karburanteve po rëndojnë mbi buxhetet familjare dhe po ndryshojnë zakonet e përdorimit të automjeteve. ...
AKTUALITET
Fruthi ngre alarmin në Tiranë/ Shpërthim infektimesh në një kopsht, 15 fëmijë të prekur
PiranjatPërditësimi i fundit 13 Shkurt 2026, 16:07
Fruthi po rrezikon realisht fëmijët në Tiranë. Ndonëse Instituti i Shëndetit Publik nuk e deklaron, në një kopsht jo publik ka pasur shpërthim të fruthit. Fëmijë të pavaksinuar janë infektuar me fruth, duke e transmetuar atë tek njëri-tjetri. Prindër që kanë fëmijë në atë kopsht janë njoftuar nga edukatoret e kopshtit që të mbajnë fëmijët në shtëpi për të shmangur infektimin.
Fruthi është shfaqur tek fëmijë të pavaksinuar, të cilët, edhe pse është detyrim ligjor që asnjë fëmijë i cili nuk ka përmbushur kalendarin e detyrueshëm të vaksinimit të mos pranohet në këto institucione, gjithmonë gjenden çerdhe, kopshte dhe shkolla jo publike që e shkelin këtë detyrim, duke u bërë burim i transmetimit të sëmundjeve infektive, siç është fruthi, i cili konsiderohet vdekjeprurës.
Kjo vatër e shpërthimit të fruthit tanimë është izoluar. Burime bëjnë me dije se aktualisht kemi të infektuar me fruth 15 raste.
Por, në një kohë kur autoritetet shëndetësore deklarojnë se vaksinimi ndaj fruthit, vaksina MMR që bëhet në moshën 1 vjeç, ka rënë për shkak të skepticizmit të prindërve dhe grupeve “novax” që nxisin mosvaksinimin, fruthi mbetet një rrezik që kërcënon shëndetin e të vegjëlve.
Mbulesa vaksinale ka rënë në afro 83% me dozën e parë, ndërkohë që OBSH kërkon që vaksinimi kundër fruthit duhet të jetë 95%. Raste sporadike me fruth ka në disa vende të Europës.
