Shqipëria ka arritur rekord për punësimin e shtetasve të huaj që arrijnë mbi 22 mijë shtetas deri në qershor 2026 nga 18...
AKTUALITET
Gazetarja tregon detajin tronditës nga përplasja me armë në Lezhë mes Nikulajt dhe Ndokëve
PiranjatPërditësimi i fundit 5 Shkurt 2026, 22:56
Gazetarja Klodiana Lala ka folur për ngjarjen e rëndë në Lezhë, ku disa pjesëtarë të familjes së ish deputetit Arben Ndoka, u përplasën me armë me nipin e Ardjan Nikulajt dhe një punonjës policie në berberhane. Lala deklaroi se gjatë kësaj ngjarje është qëlluar dhjetëra herë, përfshirë 30 herë me kallashnikov! Për pasojë ka mbetur i plagosur pronari i berberhanes, Sokol Daci, i cili nuk kishte lidhje me ngjarjen dhe sot është në gjendje të vështirë në spital.
Gazetarja Lala zbuloi konfliktin mes anëtarëve të familjse Ndoka dhe Merando Nikulajt dhe deklaroi se të dyja palët i shoqërojnë efektivë policie, për ti mbrojtur, në vend që shteti të marrë masa për të parandaluar ngjarje të tilla.
“Po të shohësh pamjet, kuptohet se është qëlluar dhjetëra herë.
Mënyra si u soll Policia me këtë ngjarje, në momentet e para u përpoq ta relativizonte si gjë banale, për të thënë që Sokol Daci, pronari i berberhanes, u plagos. U mor vesh në media se brenda ishte një punonjës policie, sot i arrestuar dhe nipi i Ardian Nikulajt, Merando Nikulaj. Brenda berberhanes ka vajtur Nikulaj dhe punonjësi i armatosur.
Pak minuta më vonë kanë vajtur dy automjete, disa persona më kallashnikov dhe shkopa bejzbolli dhe kanë qëlluar. Nga brenda ka qëlluar polici. Ka mbetur i palgosur Sokol Daci, është në gjendje të vështirë shëndetësore. Janë shpallur në kërkim tre pjesëtarë të familjes së ish deputetit Arben Ndoka, mendoj se shteti ka dështuar të parandalojë. Mes Merando Nikulaj dhe pjesëtarëve të familjes Ndoka ka patur sherr në gusht të vitit të kaluar. Nikulaj ka goditur me automjet dy pjesëtar të familjes Ndoka, në afërsi të zonës që e konsiderojnë si zonën e rrezikut dhe nuk pranojnë njeri të afrohet.
Në vend që shteti, të merrte masa për parandalimin e ngjarjes, ka lejuar zyrtarë të policisë, që ca të mbrojnë Nikulajt dhe ca Ndokët. E shoh si ngjarje problematike, ka një gjë në veri të vendit, kur nis nuk di të ndalojë. E ka fal plumbi, themi ne, sepse të qëllosh me kallashnikov 30 herë të ka fal plumbi. Efektivi ka qëlluar me armë.
Shteti në vend të vërë rregull, është ndarë në parcela, ca mbrojnë njërin dhe ca tjetrin”, tha ndër të tjera Lala.
