Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
Gjykata e Strasburgut: Shkarkimi i gjykatësit Shkëlzen Selimi, në shkelje të Konventës Europiane
PiranjatPërditësimi i fundit 25 Nëntor 2025, 11:01
Gjykata e Strasburgut godet sërish procesin e vetingut në Shqipëri.
Kjo gjykatë e ka konsideruar si të padrejtë shkarkimin e ish-gjykatësit të Gjykatës së Lartë, Shkëlzen Selimi.
Në vendimin Selimi kundër Shqipërisë thuhet se shkarkimi i tij është në shkelje të Kushtetutës dhe të nenit 6 të Konventës Europiane të të Drejtave të Njeriut.
“Gjykata në mënyrë unanime:
Vendos se ka pasur shkelje të nenit 6 § 1 të Konventës;
Vendos se nuk ka nevojë të shqyrtohet ankesa sipas Nenit 8 të Konventës;
Vendos se konstatimi i një shkeljeje përbën në vetvete një shpërblim të drejtë të mjaftueshëm për çdo dëm jo-material të pësuar nga aplikanti;
(a) që shteti i paditur duhet t'i paguajë aplikantit, brenda tre muajve nga data në të cilën vendimi bëhet i formës së prerë në përputhje me Nenin 44 § 2 të Konventës, 6,500 euro (gjashtë mijë e pesëqind euro), plus çdo taksë që mund t'i ngarkohet aplikantit, në lidhje me kostot dhe shpenzimet, të cilat duhet të konvertohen në monedhën e Shtetit të paditur me kursin e zbatueshëm në datën e pagesës;
(b) që nga skadimi i tre muajve të lartpërmendur deri në shlyerje, interesi i thjeshtë do të paguhet mbi shumën e mësipërme me një normë të barabartë me normën marxhinale të huadhënies së Bankës Qendrore Evropiane gjatë periudhës së mospagesës, plus tre pikë përqindjeje;
Rrëzon pjesën tjetër të kërkesës së aplikantit për shpërblim të drejtë,” thuhet në vendim.
Kujtojmë se Gjykata e Posaçme e Shkallës së Parë vendosi më 7 korrik, deklarimin e pafajshëm të ish-anëtarit të Gjykatës së Lartë për akuzën e fshehjes së pasurisë – një çështje e ngritur nga SPAK rreth tre vjet më parë.
Vetingu është goditur nga Gjykata e Strasburgut edhe në rastin e ish-prokurores Antoneta Sevdari dhe gjykatësit Admir Thanza.
