Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
AKTUALITET
Goma, inerte dhe mbeturina/ Lagjet e Tiranës si landfill mbetjesh, qytetarët denoncojnë papastërtinë
PiranjatPërditësimi i fundit 21 Shkurt 2026, 20:24
Në lagjen Don Bosko, konkretisht në rrugën “Albanopoli”, por edhe përballë Kishës 'Don Bosko', si edhe në disa rrugica të tjera përreth, koshat e mbeturinave kanë qëndruar të tej mbushur nga data 17 deri më 20 shkurt.
Prej më shumë se tre ditësh, mbetjet kanë dalë jashtë kontejnerëve, duke pushtuar trotuaret dhe një pjesë të rrugës.
Si të mos mjaftonte kjo, inertet janë hedhur pa kriter, duke e përkeqësuar edhe më tej situatën. Pamjet tregojnë një realitet të lënë “si mall pa zot” – pa përgjegjësi nga ata që hedhin mbeturinat dhe pa ndërhyrje nga institucionet përgjegjëse.
Fotot tregojnë ditë të ndryshme dhe orare te ndryshme ku për disa ditë radhazi si ne mbrëmje dhe ne mëngjes koshat janë te tej mbushur. Kjo gjendje përbën një vatër të hapur infeksionesh dhe sëmundjesh për komunitetin, sidomos për fëmijët dhe të moshuarit që jetojnë në zonë.
Banorët, shprehen se kjo situatë përsëritet dhe nuk është një rast sporadik. “Kanë 3 ditë mbeturinat aty, kanë zënë edhe rrugën dhe mezi këmbehen 2 makina”, thotë një banor i zonës.
Fotot e siguruara nga Piranjat News tregojnë dite te ndryshme dhe orare te ndryshme ku për disa dit radhazi si ne mbrëmje dhe ne mëngjes koshat janë të tej mbushur./Piranjat News
Ndërkohë, përgjegjësia bie edhe mbi Bashkia e Tiranës, e cila duhet të garantojë pastrimin dhe menaxhimin e mbetjeve urbane. Kur taksat mblidhen rregullisht, qytetarët kërkojnë me të drejtë shërbim dhe reagim në kohë.
Banorët e lagjes Don Bosko kërkojnë ndërhyrje të menjëhershme dhe zgjidhje përfundimtare, që pamje të tilla të mos jenë më pjesë e përditshmërisë në kryeqytet
