Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
AKTUALITET
Rruga e fshatit Cërragë në gjendje katastrofike, banorët: Nuk kalojmë dot nga balta dhe gropat
Nga Xhuljan FerzajPërditësimi i fundit 17 Shkurt 2026, 11:41
Banorët e fshatit Cërragë, prej vitesh kërkojnë ndërhyrjen e Bashkisë Belsh dhe njësisë administrative për rikonstruksionin e rrugës prej 600 metra e cila është e mbushur me baltë, gropa, ujë dhe pa kanalizime.
Sipas banorëve, rruga që kalon përmes fshatit gjatë verës mbulohet nga pluhuri, dhe gropat ndërsa në sezonin e dimrit bëhet pothuajse e pakalueshme për shkak të baltës dhe ujit. Kjo situatë ka krijuar vështirësi për lëvizjen e mjeteve dhe këmbësorëve.
“Kërkojmë që bashkia ti ktheje sytë nga kjo zonë, të investojë në ndërtimin e rrugës e cila është afërsisht 600 metra, por është e pamundur të kalohet për shkak se është e dëmtuar. Bashkia premtoi se do ta zgjidhte problemin tonë, por deri më sot nuk është hedhur asnjë lopatë me asfalt”, ankohet një banor i zonës për Piranjat News.
Banorët shprehen se gjatë fushatave elektorale kanë marr premtime të ndryshme nga përfaqësues vendor përfshirë edhe kryebashkiakun e Belshit, Arif Tafanin, por deri më tani nuk është bërë asnjë investim konkret për këtë segment rrugor.
Kjo rrugë, shërben jo vetëm për lidhjen e fshatit me Bashkinë Belsh, por shërben edhe si aks lidhës me zonat përreth dhe Bashkinë Lushnje. /Piranjat News
