Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
'Heqja e tabelës me thënien profetike në xhaminë e Shkodrës', Myftiu: Drejtori i policisë, një rrugaç që abuzon me detyrën!
PiranjatPërditësimi i fundit 12 Nëntor 2025, 09:53
Myftiu i Shkodrës, imam Muhamed Sytari
Myftiu i Shkodrës, imam Muhamed Sytari, ka reaguar për herë të parë publikisht pas heqjes së tabelës me thënien profetike për grabitjen e pronës në oborrin e xhamisë “Ebu Bekër” nga policia e Shkodrës.
Në një deklarat gjatë një aktiviteti në xhaminë e Rusit, në përkujtim të haxhi Fejzi Zaganjorit, në kuadër të 35-vjetorit të faljes së parë të xhumasë pas regjimit komunist, myftiu Sytari e cilësoi drejtorin e policisë vendore të Shkodrës, Gentian Berberi, si “një rrugaç me pushtet”.
Ai theksoi se mesazhi në tabelë do të shumëfishohet dhe do të vendoset kudo, duke shtuar se “askush nuk mund ta ndalë të vërtetën dhe fjalën e Zotit”.
“Ajo tabelë do të shumëfishohet dhe do të vendoset në çdo cep të Shkodrës. Askush nuk mund ta ndalë. Ne nuk frikësohemi nga rrugaçët me pushtet që abuzojnë me detyrën,” tha myftiu.
Në të njëjtën ditë, edhe Kisha Katolike Shkodër përkujtoi 35-vjetorin e meshës së parë të mbajtur në varrezat katolike të Rrmajit nga Dom Simon Jubani, më nëntor të vitit 1990. Ceremonia u drejtua nga arqipeshkvi emëritus Imzot Angelo Massafra, i cili përcolli mesazhe të forta për rëndësinë e lirisë fetare dhe ruajtjes së besimit.
Procesioni përkujtimor u ndal te varrezat e Rrmajit vendi ku pas dekadave të ndalimit të fesë nga regjimi komunist, u kremtua meshë publike për herë të parë, një moment historik që shënoi ringjalljen e lirisë fetare në Shqipëri.
