Kryetari i Partisë Demokratike, Sali Berisha, ka shpërndarë në rrjetet sociale një pjesë nga fjala e një protestueseje n&eu...
AKTUALITET
Homazhe për Egli Progën në Korçë/ Qyetarë ndezin qirinj pranë portretit të tij para Katedrales, flet babai i 42-vjeçarit: Të dali e vërteta, kaq!
n,fPërditësimi i fundit 14 Gusht 2024, 21:44
Homazhe
KORÇË- Në qytetin e Korçës janë zhvilluar homazhe në nder të 42-vjeçarit, Egli Proga i cili u dhunua për vdekje nga Denis Meçe. Disa qytetarë ishin mbledhur në katedralen e qytetit të Korçës, ku ndezën edhe qirinj. Në homazhe kanë marrë pjesë edhe familjarët e viktimës, mes tyre babai dhe motra. Në një prononcim të shkurtër, babai i 42-vjeçarit shprehet se kërkojnë vetëm drejtësi, asgjë tjetër.
“Vetëm drejtësi, vetëm drejtësi! Të dali e vërteta, kaq”, u shpreh babai i Egli Progës.
Motra e 42-vjeçarit u shpreh se vëllait të saj iu mor jeta nga “barbarët e këtij qyteti”, ndërsa u shpreh se ajo do të mbrojë figurën e tij pas vdekjes duke theksuar se ia ka borxh.
“Që nga dita kur Egli mbeti këtu i pajetë pasi jetën ia morën barbarët e këtij qyteti, unë do të jem mbrojtësja e tij. Do e mbroj pas vdekjes sepse nuk isha këtu për ta mbrojtur për së gjalli. Mund të dukem si një e vogël dhe hallexheshë me të zeza, por ja kam borxh vëllait tim të sjell drejtësinë.
Nuk dua të përfitoj kush nga vdekja e tim vëllai, nuk dua të politizohet vdekja e tij, por do pranoj ndihmën për vendosjen e drejtësisë. Kriminelët që i kanë mbyllur jetën vëllait tim do shkojnë në burg pa përjashtim. Si ata plehra që e dhunuan dhe ata që u përpoqën ta mbyllin këtë vrasje makabre”, tha ajo.
