Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
AKTUALITET
I dënuar më parë, tentoi të hynte me pasaportë false në Mbretërinë e Bashkuar një muaj pasi ishte dëbuar, arrestohet shqiptari
M.B.Përditësimi i fundit 22 Shtator 2024, 10:32
BRITANI- Një shqiptar që ka tentuar të hyjë fshehurazi në Mbretërinë e Bashkuar, disa javë pasi u deportua, por pa sukses pasi u ndalua nga autoritetet. Mësohet se shqiptari kishte vuajtur një dënim me 20 muaj burg për kultivimin e kanabisit. Mediat britanike shkruajnq se stafi i Home Office punoi me Shërbimin Policor të Irlandës së Veriut për të ndaluar shqiptarin, i cili udhëtonte me një autobus nga Dublini në Belfast, pasi kishte udhëtuar me një pasaportë të rreme greke nga Shqipëria më herët atë ditë.
Ekipi kishte marrë informacione nga shërbimet inteligjente rreth dy shkelësve të mundshëm të kufirit, të cilët sapo kishin hipur në një autobus në kryeqytetin irlandez që shkonte në veri. Një orë përpara se ata të ndaloheshin, kontrollet zbuluan se njëri prej tyre ishte anëtar i një bande të kultivimit të kanabisit, i cili ka qëndruar 20 muaj pas hekurave në Britaninë e Madhe.
Shqiptari u deportua muajin e kaluar dhe tashmë po përpiqej të rihynte ilegalisht. Në bordin e autobusit hynë gjashtë oficerë policie, ndërsa udhëtarët e hutuar u zbritën përpara se dy të dyshuarit të nxirreshin, për t’u marrë në pyetje. Shqiptari i dënuar për kultivim narkotikësh u dërgua në paraburgim për thyerjen e urdhrit të dëbimit, ndërsa shoku me të cilin po udhëtonte u ndalua nga organet e kontrollit të emigracionit, në pritje të largimit nga MB.
