Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
AKTUALITET
I gjetën 7 kg kanabis në banesë, arrestohet 62-vjeçari në Kurbin (emri)
PiranjatPërditësimi i fundit 17 Tetor 2025, 09:30
Policia e Kurbinit, ka finalizuar operacionin policor të koduar “Streha”, që kishte si objektiv goditjen e veprimtarive kriminale në fushën e narkotikëve.
Gjatë kontrollit të ushtruar në banesën e shtetasit Begtash Zeneli, 62 vjeç, në fshatin Vinjoll, u gjetën dhe sekuestruan 7 kilogramë e 350 gramë lëndë e dyshuar narkotike cannabis sativa. Nga hetimet paraprake dyshohet se lënda narkotike ishte e destinuar për shitje në doza.
Njoftimi i policisë:
Kurbin/Finalizohet operacioni policor i koduar “Streha”, për goditjen e veprimtarive kriminale në fushën e narkotikëve.
Kishte fshehur në banesën e tij, në fshatin Vinjoll, 7 kilogramë e 350 gramë lëndë të dyshuar narkotike kanabis, arrestohet 62-vjeçari. Nga hetimet dyshohet se ky shtetas e posedonte lëndën narkotike, me qëllim shitjen në doza.
I arrestuari, me precedent për disa vepra penale.
Shërbimet e Komisariatit të Policisë Kurbin, në vijim të punës për goditjen e veprimtarive kriminale në fushën e narkotikëve, bazuar në informacione të siguruara në rrugë operative, kanë organizuar dhe finalizuar në bashkëpunim me Forcat e Posaçme “Shqiponja”, operacionin policor të koduar “Streha”.
Gjatë operacionit, shërbimet e Policisë kanë ushtruar kontroll në banesën e shtetasit B. Z., në fshatin Vinjoll, ku gjetën dhe sekuestruan në cilësinë e provës materiale 7 kilogramë e 350 gramë lëndë të dyshuar narkotike cannabis sativa, të cilën dyshohet se ky shtetas e posedonte me qëllim shitjen në doza.
Në përfundim të veprimeve të para hetimore, shtetasi B. Z., 62 vjeç, banues në fshatin Vinjoll, u arrestua në flagrancë për veprën penale “Prodhimi dhe shitja e narkotikëve”.
Vijojnë hetimet për dokumentimin e plotë të kësaj veprimtarie kriminale.
