Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
I gjetën 91 doza kokaine, arrestohet 35-vjeçari në Himarë (detaje)
PiranjatPërditësimi i fundit 3 Tetor 2025, 11:31
Një 35-vjeçar ka rënë në prangat e policisë në Vlorë, pasi i gjetën gjatë kontrolleve 91 doza kokaine dhe 9 doza kanabisi për shitje.
Në njoftimin e policisë theksohet se 35-vjeçari me inicialet A.H, banues në Tiranë, u kap në Himarë gati për të shitur lëndën narkotike.
Njoftimi i policisë:
DVP Vlorë
Finalizohet operacioni policor i koduar “Night”, nga Seksioni për Hetimin e Narkotikëve, në vijim të goditjeve së veprimtarisë kriminale të shitjes së drogave të forta.
Vihet në pranga 35-vjeçari, që shiste kokainë dhe kanabis në zonën e Himarës.
Sekuestrohen 91 doza kokaine dhe 9 doza kanabisi gati për shitje.
Në vijim të kontrolleve për goditjen e veprimtarisë kriminale të shitjes së drogave të forta, falë administrimit të menjëhershëm të informacioneve të siguruara, shërbimet e Seksionit për Hetimin e Narkotikëve në DVP Vlorë organizuan dhe finalizuan operacionin policor të koduar “Night”.
Si rezultat i këtij operacioni, u arrestua në flagrancë, në Himarë, shtetasi A. H., 35 vjeç, banues në Tiranë.
Gjatë kontrollit fizik dhe të automjetit që ky shtetas drejtonte, Policia sekuestroi në cilësinë e provës materiale:
* sasi me lëndë narkotike kokainë në 91 doza.
* sasi me lëndë narkotike kanabis në 9 doza.
Nga veprimet hetimore dyshohet se ky shtetas, pasi siguronte sasinë e lëndëve narkotike, e ndante atë në doza me qëllim shitjen.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme procedurale.
