Atentati në Durrës, zbardhen dy pistat e hetimit të vrasjes së Ermir Dedjas

vendngjarja

DURRËS- Hetimet për zbardhjen e atentatit të ndodhur pak minuta pas mesnatës në Durrës vijojnë, ndërsa autorët mbeten të paidentifikuar. Raportohet se dy janë pistat që po hetohen për zbardhjen e vrasjes së Ermir Dedjas në Durrës, ajo e konfliktit për prishje pazaresh droge dhe larje hesapesh. 

I riu u qëllua me breshëri plumbash nga autorët e maskuar, teksa po lëvizte në këmbë në lagjen nr.18 të qytetit. Dyshohet se ka qenë një person që ka vëzhguar lëvizjet e të riut dhe më pas ka sinjalizuar autorët. Deri më tani policia ka sekuestruar pamjet filmike të kamerave në zonë, të cilat raportohet se janë të shumta, për shkak të bizneseve që ndodhen aty.  

Viktima, Ermir Dedja nuk është emër i panjohur për autoritetet, pasi ka qenë i përfshirë në një plagosje me armë zjarri në vitin 2017, i cili në atë kohë u vu në pranga si bashkëpunëtor i autorit në plagosje. 10 vjet më parë, në 2015, po ashtu ka qenë arrestuar si i dyshuar për shitjen e një sasie lënde narkotike dy shtetasve nga Hasi, qe do e trafikonin ne Kosovë.

ermir dedja vrasje ne durres