Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
I shpallur në kërkim ndërkombëtar nga GJKKO si pjesë e një organizate kriminale, ekstradohet nga Spanja 34-vjeçari
PiranjatPërditësimi i fundit 11 Tetor 2025, 08:59
Interpol Tirana njofton se është finalizuar procedura e ekstradimit nga Spanja në Shqipëri e shtetasit Juxhin Drazhi, i kërkuar për lidhje me një organizatë kriminale që trafikonte narkotikë në Norvegji dhe Belgjikë.
Drazhi, 34 vjeç, ishte shpallur në kërkim ndërkombëtar dhe ndaj tij është caktuar masa e sigurisë "Arrest në burg" nga Gjykata e Posaçme e Shkallës së Parë në Tiranë, për akuzat e trafikimit të narkotikëve, si pjesë e një grupi të strukturuar kriminal. Hetimet e SPAK dyshojnë se ai ka qenë i përfshirë në aktivitetet e kësaj organizate ndërkombëtare kriminale.
Njoftimi:
Interpol Tirana
Ekstradohet nga Spanja, 1 shtetas që akuzohet nga GjKKO, si pjesëtar i një organizate kriminale që trafikonte lëndë narkotike në Norvegji dhe Belgjikë.
Në vijim të bashkëpunimit shumë të ngushtë ndërmjet strukturave homologe të Interpolit, në Tiranë dhe në Madrid, u finalizua në kuadër të operacionit “The Wanted”, procedura për ekstradimin nga Spanja në Shqipëri, të shtetasit të shpallur në kërkim ndërkombëtar:
J. D., 34 vjeç.
Gjykata e Posaçme e Shkallës së Parë kundër Korrupsionit dhe Krimit të Organizuar Tiranë, me vendimin e datës 30.04.2025, i ka caktuar këtij shtetasi, masën e sigurisë “Arrest në burg”, për veprat penale “Trafikimi i narkotikëve”, kryer në formën e grupit të strukturuar kriminal, “Grup i strukturuar kriminal” dhe “Kryerja e veprave penale nga organizata kriminale ose grupi i strukturuar kriminal”.
Nga hetimet e kryera nga SPAK, dyshohet se shtetasi J. D. ka qenë pjesë e një organizate kriminale që trafikonte lëndë narkotike në Norvegji dhe në Belgjikë.
