Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
KOSOVA
Zgjedhjet lokale, Policia e Kosovës mbledh institucionet për mbarëvajtjen e procesit zgjedhor
PiranjatPërditësimi i fundit 11 Tetor 2025, 08:36
Në Drejtorinë e Përgjithshme të Policisë së Kosovës u mbajt një takim zyrtar lidhur me përgatitjet dhe angazhimin e Policisë në zbatimin e planit operativ për zgjedhjet lokale të vitit 2025, të cilat do të mbahen më 12 tetor të atij viti. Takimi u udhëhoq nga drejtorët e lartë të Policisë së Kosovës, me në krye kolonel Gazmend Hoxhën, dhe përfshiu përfaqësues të institucioneve vendore dhe ndërkombëtare, si Prokuroria e Shtetit, Komisioni Qendror i Zgjedhjeve, KFOR, EULEX, OSBE dhe zyra e BE-së në Kosovë.
Në këtë takim, pjesëmarrësit diskutuan për planifikimet dhe angazhimet e Policisë për të siguruar mbarëvajtjen e zgjedhjeve dhe krijimin e një klime të sigurt për qytetarët. Objektivi kryesor ishte koordinimi i aktiviteteve të përbashkëta dhe bashkëpunimi i ngushtë ndërmjet institucioneve për të garantuar zhvillimin e zgjedhjeve të lira dhe demokratike, si dhe për të parandaluar dhe ndëshkuar çdo formë të ndërhyrjes të kundërligjshme në procesin zgjedhor.
Në këtë kuadër, u theksua rëndësia e krijimit të një mjedisi të qetë dhe të sigurt për qytetarët, duke siguruar se të gjithë kanë mundësinë të ushtrojnë të drejtën e votës pa shqetësime. Po ashtu, u diskutua për procedurat ligjore dhe penale ndaj çdo individi që përpiqet të cenojë të drejtat zgjedhore dhe procesin zgjedhor, në përputhje me ligjet dhe marrëveshjet e parapara për këtë qëllim.
Policia e Kosovës ka deklaruar se do të vazhdojë të punojë ngushtë me institucionet kompetente për të siguruar një proces zgjedhor të paanshëm dhe transparent.
