I shpallur në kërkim ndërkombëtar për vrasje, arrestohet 49-vjeçari me rrezikshmëri të lartë në Durrës, pritet ekstradimi i tij drejt Spanjës (EMRI)

Arrestimi

DURRËS- Një 49-vjeçar me rrezikshmëri të lartë është vënë në pranga në Durrëss. Armando Masha mësohet se është personi i arrestuar. Policia përmes një njoftimi ka bërë me dije se Masha është i akuzuar në Spanjë për vrasje në kuadër të grupit kriminal.

Më tej bëhet me dije se i arrestuari ishte shpallur në kërkim ndërkombëtar, pasi Gjykata e Orgivas në vitin 2022, i ka caktuar masën e sigurisë "Arrest në burg", për veprën penale "Vrasja", kryer në kuadër të grupit kriminal.  Pas arrestimit Interpol Tirana po vijon të bashkëpunojë me homologët në Spanjë, për të finalizuar ekstradimin e 49-vjeçarit.

Njoftimi;

Policia e Shtetit/ Drejtoria e Forcës së Posaçme Operacionale në Departamentin e Policisë Kriminale në DPPSH finalizoi operacionin policor të koduar “Operacionalja 11”. Kapet në Durrës, një shtetas me rrezikshmëri shoqërore të lartë, i akuzuar në Spanjë, për vrasje, në kuadër të grupit kriminal.

Në kuadër të megaoperacionit “Sundimi i ligjit” dhe si rezultat i informacioneve të siguruara nga inteligjenca policore, Drejtoria e Forcës së Posaçme Operacionale, gjatë operacionit policor të koduar “Operacionalja 11”, lokalizoi në lagjen nr. 13, Durrës, kapi dhe vuri në pranga shtetasin: A. M., 49 vjeç, i lindur në Durrës.

49-vjeçari ishte shpallur në kërkim ndërkombëtar, pasi Gjykata e Orgivas, Spanjë,në vitin 2022, i ka caktuar masën e sigurisë "Arrest në burg", për veprën penale "Vrasja", kryer në kuadër të grupit kriminal. Interpol Tirana vijon të bashkëpunojë me homologët në Spanjë, për të finalizuar ekstradimin e 49-vjeçarit, në Spanjë.

durres arrestim vrasje