Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
‘Ik mos më çaj k…’/ Si nisi sherri mes dy miqve pasi pinë nga 1 dopio raki, paratë për të blerë bukë sollën vrasjen e 40-vjeçarit
PiranjatPërditësimi i fundit 8 Tetor 2025, 22:56
Një konflikt i çastit mes dy miqve nga Tropoja por që ishin vendosur me banim në Kamëz, është kthyer në një tragjedi pasi Arlind Demushi ka vrarë me thikë Hajdar Ismailgecin i thirrur shkurt si “Bali”.
Në dosjen e siguruar nga gazetari Elton Qyno, jepet dinamika e plotë e kësaj ngjarje të rëndë. Viktima Ismailgeci kishte disa kohë që ishte vendosur në banesën e autorit të krimit Arlind Demushi, pasi kishte ardhur nga Tropoja dhe qëndronte përkohësisht derisa të gjente banesë me qira. Çdo mbrëmje dy shokët uleshin në lokalet e lagjes dhe pinin kafe bashkë. Ashtu ndodhi dhe në mbrëmjen e krimit, ku Demushi dhe Ismailgeci, konsumuan kafe dhe secili nga një dopio raki.
Pasi kanë mbaruar Arlind Demushi, ka treguar se janë çuar nga lokali dhe i ka dhënë 10 mijë lekë të vjetra mikut të tij që mbante në shtëpi, Hajdar Ismailgecit, me qëllim që ky i fundit të shkonte të blinte bukë.
Ndërsa vetë ka shkuar përpara për të vajtur në shtëpi. Por teksa ka konstatuar se Ismailgeci po vonohej, ai e ka marrë në telefon atë për ta pyetur se ku ishte dhe pse vonohej, pasi ai po e priste në shtëpi. Por sipas rrëfimit të tij Ismailgeci gjatë bisedës i ka thënë: “…ik mos më çaj k…”. Arlind Demushi është nxehur dhe i ka kërkuar të takohen tek një lokal aty afër për tu sqaruar.
Ai ka mbërritur në lokal dhe ka porositur një dopio raki. Në lokal ka shkuar dhe miku i tij që mbante në shtëpi, Hajdar Ismailgeci, dhe ky ka porositur një dopio raki. Policia ka sekuestruar pamjet filmike të lokalit ku duken të ulur në një nga tavolinat autori dhe viktima. Sipas dëshmisë së Demushit, Ismailgeci, në bisedë e sipër ka filluar të ngrejë zërin dhe ka bërtitur. Demushi, i ka kërkuar të dalin jashtë dhe të sqarohen për atë fjalë që i kishte thënë “…ik mos më çaj k…”. Por teksa janë larguar nga lokali dhe kanë shkuar në një kënd lodrash aty afër, Ismailgeci ka filluar ta ofendojë dhe godasë me grushta.
Sipas Arlind Demushit, “Bali” ka nxjerrë një thikë dhe ka tentuar ta qëllojë me të. Por ai ka arritur t’ia marrë dhe më pas e ka qëlluar në pjesën e ijeve.
