Gjyqtarët e Republikës kërkojnë zbatimin e menjëhershëm të vendimit të Gjykatës Kushtetuese për pagat e magj...
AKTUALITET
“Kam të drejtën time”/ Regjisori Bozo përplasi 7 vjeçarin, banorët: Paska të drejtë me shtypur fëmijët? U tregua kriminel!
PiranjatPërditësimi i fundit 26 Maj 2026, 12:53
Disa banorë të zonës pranë fshatit Mengel në Elbasan, ku një fëmijë 7-vjeçar u përplas për vdekje nga automjeti që drejtonte regjisori Petri Bozo, janë shprehur se aksi Elbasan-Librazhd është shumë i rrezikshëm.
Ata thonë se edhe më herët janë shënuar aksidente me pasoja të rënda për jetën, ndërsa komentuan edhe dëshminë e dhënë nga regjisori pas ngjarjes.
Sipas mediave, ai mësohet të ketë thënë se ka qenë në të drejtën e tij për të lëvizur në rrugën nacionale dhe se ka qenë me shpejtësi të ulët.
Njëri prej banorëve tha se ai është treguar kriminel me deklaratën që ka bërë, duke kërkuar që shteti të marrë masat e nevojshme ndaj tij.
“Ka shumë lëvizje makinash, shumë aksidente kanë ndodhur, me pasoja vdekjeje. Mund të jenë rreth 10 vetë që kanë vdekur. “, u shpreh një banor.
“E keqja më e madhe vjen nga kjo, si ai bëri këtë dëm edhe del “se është e drejta ime”. Si ka të drejtë? Si ka të drejtë të shtypë fëmijët? Ty apo mua? Unë për veten time them se shteti nuk duhet të marrë jo vetëm një masë, se më kriminel se është treguar nuk është treguar ndonjëherë. Ky ëshë krim më i rëndë. Kushdo të jetë, edhe unë të jem. Rruga është e rrezikshme. Janë bërë shumë aksidente. “, u shpreh një tjetër.
