Kamionçina pëson defekt dhe godet automjetin, procedohet drejtuesi 41-vjeçar në Elbasan

foto ilustruese

ELBASAN- Procedohet penalisht një 41-vjeçar në Elbasan. Mësohet se L.M nuk ka marrë masa për sigurimin e kamionçinës së tij, ku kjo e fundit ka pësuar defekt dhe ka rrëshkitur.

Si pasojë e rrëshkitjes së kamionçinës është goditur një automjet tjetër. Mësohet se katër pasagjerë janë dëmtuar lehtë.

Njoftimi i Policisë:

Drejtoria Vendore e Policisë Elbasan

Sektori i Policisë Rrugore, në vijim të veprimeve të kryera për zbardhjen e rrethanave të aksidentit të ndodhur ditën e djeshme, në rrugën rurale të fshatit Polis Vilë, referoi materialet në Prokurori ku nisi procedimi penal për shtetasin L. M., 41 vjeç, banues në Durrës, pasi dyshohet se automjeti kamioçinë që drejtonte ka pësuar defekt dhe ngaqë ky shtetas nuk ka marrë masa për sigurimin e plotë të automjetit, automjeti ka rrëshkitur dhe ka goditur automjetin me drejtues shtetasin R. B., 53 vjeç. Si pasojë janë dëmtuar lehtë 4 pasagjerë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

policia elbasan