Inspektorati i Lartë i Drejtësisë i është drejtuar Gjykatës Kushtetuese me kërkesën për fillimin e procedimit dis...
AKTUALITET
Kapet duke i dhënë kokainë të burgosurit, AMP arreston policin në IEVP Durrës
PiranjatPërditësimi i fundit 25 Qershor 2026, 16:18
DURRËS -AMP ka arrestuar sot në flagrancë një punonjës policie në IEVP Durrës, i cili u kap duke i dhënë lëndë narkotike të llojit kokainë një të burgosuri.
Mësohet se, punonjësitme inciale A. P. dhe i dënuari A. M., u prangosën nën akuzën për futje të sendeve të ndaluara në burg dhe prodhim e shitje të narkotikëve.
Në bashkëpunim me Prokurorinë e Durrësit, autoritetet po vijojnë hetimet për të zbardhur nëse ky episod është i izoluar apo pjesë e një rrjeti më të gjerë abuzimi brenda institucionit.
Njoftimi i AMP:
"Sot në datën 25.06.2026, nga Agjencia e Mbikëqyrjes në Sistemin e Ekzekutimit të Vendimeve Penale është kryer arrestimi në flagrancë i shtetasve A. P. me detyrë punonjës policie në IEVP Durrës dhe A. M. i burgosur në IEVP Durrës, për veprat penale “Futja ose mbajtja e sendeve të ndaluara në Institucionin e Ekzekutimit të Vendimeve me Burgim” dhe “Prodhimi dhe shitja e narkotikëve”, të parashikuara nga nenet 324/a dhe 283 të Kodit Penal.
Kjo pasi, në IEVP Durrës, nga kontrolli i ushtruar nga Agjencia e Mbikëqyrjes në Sistemin e Ekzekutimit të Vendimeve Penale në bashkëpunim me DPB është konstatuar se punonjësi i policisë së burgjeve A. P., gjatë ushtrimit të detyrës brenda në IEVP, i ka dhënë të burgosurit A. M., një sasi lënde të dyshuar narkotike të llojit kokainë.
AMSEVP është duke kryer të gjitha veprimet e tjera verifikuese dhe hetimore për këtë rast dhe raste të ngjashme brenda kësaj IEVP-je, nën drejtimin e Prokurorisë Pranë Gjykatës së Shkallës së Parë të Juridiksionit të Përgjithshëm Durrës. AMSEVP inkurajon qytetarët dhe mediat të denoncojnë çdo rast të abuzimit apo shkeljes së detyrës nga ana e punonjësve të strukturave.", njoftom AMP.
