Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
AKTUALITET
Kapet me 200 kg kokainë 23-vjeçari shqiptar në Romë/ Si u godit një nga rrjetet më të mëdha të trafikimit të lëndëve narkotike
PiranjatPërditësimi i fundit 13 Tetor 2025, 08:39
Karabinierët e Njësisë Hetimore të Romës kanë goditur një nga rrjetet më të mëdha të trafikut të lëndëve narkotike, duke sekuestruar 200 kilogramë kokainë me një vlerë tregu që arrin në 16 milionë euro.
Gjatë operacionit, është arrestuar një shtetas shqiptar, 23 vjeç, (datëlindja 2002) i cili u kap në flagrancë me 191 pako kokaine, një pistoletë me fishekë, si dhe rreth 30 mijë euro në para të gatshme.
I dyshuari po ecte në rrugë me një çantë shpine, duke vëzhguar rreth e qark me sjellje të dyshimtë, gjë që tërhoqi menjëherë vëmendjen e karabinierëve të Komandës Provinciale të Romës, të cilët vendosën ta kontrollonin.
Gjatë kontrollit personal, iu gjet një shumë e konsiderueshme parash, e pajustifikueshme, pasi nga verifikimet rezultoi se ai ishte i papunë.
Hetimet u zgjeruan menjëherë në banesën e tij, ku u zbulua një qendër e mirëfilltë logjistike për magazinimin e drogës. Brenda, karabinierët gjetën 8 çanta të mëdha të mbushura me kokainë, të ndarë në 191 pako me logo të ndryshme, që përfaqësonin rreth 8,000 doza — “marka” të ndryshme për çdo lloj konsumatori, të destinuara të furnizonin tregun e Romës.
Vlera totale e drogës së sekuestruar përllogaritet rreth 16 milionë euro, një shumë që do të kishte përforcuar financat e organizatave kriminale lokale.
Në banesë u gjet gjithashtu një armë zjarri me fishekë, e rezultuar e vjedhur, e gatshme për t’u përdorur për mbrojtjen e “ngarkesës” së vlefshme, si dhe 30 mijë euro në para të gatshme.
Hetimet konfirmuan gjithashtu se i arrestuari përdorte një sistem të sofistikuar fshehjeje në automjetin e tij: përmes një kombinimi të veçantë çelësash dhe butonash, ai kishte krijuar një dyfishtë fund ku fshihte drogën, për ta nxjerrë vetëm në momentin e dorëzimit, duke tentuar kështu t’i shpëtonte kontrolleve.
23-vjeçari shqiptar u vu në masë arresti dhe u dërgua në burgun Rebibbia të Romës, në pritje të gjykimit.
