Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Minatorët e Spaçit vijojnë protestën nën shi e mjegull, asnjë përgjigje nga kompania
PiranjatPërditësimi i fundit 18 Tetor 2025, 15:45
Minatorët e Spaçit kanë hyrë sot në ditën e 13-të të protestës së tyre, duke vijuar qëndrimin përballë kushteve të vështira atmosferike dhe reshjeve të dendura të shiut.
Që prej orës 06:00 të mëngjesit, punëtorët janë grumbulluar sërish për të kërkuar plotësimin e kërkesave të tyre, duke theksuar vendosmërinë për të mos e ndalur protestën pa marrë një përgjigje konkrete nga kompania.
Kreu i Sindikatës, Dritan Shahu shprehet se kompania iu ka ofruar trajtim ushqimor, por shtoi se kjo nuk e zgjidh problemin e tyre. Ai tha se i pranishëm ka qenë edhe Inspektoriati i Punës.
"Sot jemi në ditën 4 të grevës. Të re ka pasur një shkresë nga Bankers, na është dërguar me email dhe na riofron rritjen e ditës ushqimore, gjë që nuk zgjidh problemin që kemi kërkuar, dhe nuk trajton punonjësin me pagën dinjitoze që kemi kërkuar. Ka pasur disa organizata të shoqërisë civile që kanë kontaktuar, disa edhe kanë ardhur Inspektoriati i punës ka ardhur, kemi folur për shqetësimet tona. Grevistët kanë shqetësime të lehta shëndetësore luhatje tensioni, dhimbje koke e lodhje. ", u shpreh Shahu.
Edison Hoxha nga shoqëria civile tha se grevistët janë të vendosur në plotësimin e tyre, ndërsa kërkoi edhe reagimin e kryeministrit Edi Rama.
"Ne solidarizohemi me sindikatën, me kërkesat e tyre për rritje pagash, përmirësim të kushteve të punës dhe vendosje të disa standarteve sa i përket sistemimit të pagave. Sindikata kërkon 18% të rritjes së pagave minimale, që është e arritshme për kompaninë. Vetëm paga e një këshilltari gjatë gjithë vitit mjafton për rritjen e 18% të naftëtarëve që kanë paga të ulëta. Është kërkesë minimaliste dhe duhet urgjent të plotësohet. I bëjnë thirrje kompnanisë që t'i plotësojë menjëherë dhe të vazhdojë puna normalisht edhe për kompaninë dhe punonjësit.
Punonjësit janë më të vendosur se kurrë që ta çojnë deri në fund grevën dhe të plotësohet çdo kërkesë. Kompania i ka të gjitha hapësirat për t'i rritur pagat, dhe fakti që se bën dmth se kërkon punonjës që t'i shfrytëzojë apo skllevër. Jemi angazhuar që të kërkojmë solidaritet edhe të sindikatave ndërkombëtare dhe i bëjmë thirjre kryeministrit që t'i marrë seriozisht këto kërkesa.", tha ai. Kompania kineze Bankers Petroleum, në reagim për mediat, deklaron se rritja e pagave aktualisht nuk është e përballueshme financiarisht. Megjithatë, kompania ra dakord për rritjen e trajtimit ushqimor në përputhje me normat e kompanisë shtetërore të naftës, plan që do të zbatohet në fund të vitit financiar.
Sindikata refuzoi këtë ofertë, duke kërkuar rritje page prej 9% për punonjësit me paga më të ulëta dhe alokimin e 1% të fondit total të pagave për krijimin e një fondi sindikal. Bankers thekson se këto kërkesa nuk janë të përcaktuara nga Marrëveshja Kolektive dhe as nga ligjet në fuqi.
