Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
AKTUALITET
'Kemi armë, mos lëvizni', kushërinjtë shqiptarë zbrazin shtëpitë në Kretë, 'viktimë' edhe një bashkatdhetare
PiranjatPërditësimi i fundit 4 Shkurt 2026, 13:02
Dy kushërinj shqiptarë, të moshës 57 dhe 51 vjeç, u arrestuan për një seri grabitjesh dhe vjedhjesh në banesa në rajonet Hersonisos dhe Maleviz në Kretë.
Sipas denoncimeve të viktimave, grabitësit kërcënonin me fraza si “mbajmë armë, mos lëvizni” gjatë hyrjeve të tyre në shtëpi, ndërsa banorët ndodheshin brenda.
Hetimet treguan se gjatë periudhës 8 dhjetor 2025 – 1 shkurt 2026, ata janë të implikuar në nëntë raste, shtatë vjedhje dhe dy tentativa.
Madje viktimë e tyre ishte edhe një grua shqiptare e cila ka biznes në zonën e Stalisës. Asaj iu vodhën 13,000 euro cash dhe 600 paund britanik. Në total, grabitësit mendohet të kenë marrë 19,400 euro, 600 paund britanik, si dhe bizhuteri dhe sende të çmuara me vlerë rreth 43,900 euro.
Sipas informacionit nga Cretalive, 57-vjeçari, i cili ka precedent penal, në një rast kishte vjedhur edhe fqinjën e tij pas një konflikti.
Në një tjetër incident, dy kushërinjtë hynë në vilat e sportistëve, ku grabitën orë dhe sende të tjera me vlerë, duke pretenduar se ishin të armatosur.
Ata u identifikuan nga policia dhe u arrestuan më 3 shkurt.
Gjatë kontrolleve të banesave ku ata jetonin dhe automjeteve që përdornin u gjetën dhe sekuestruan bizhuteri, 730 euro cash, një armë, si dhe mjete të tjera për vjedhje. Po ashtu, u sekuestruan tre makina që dyshohet se përdroheshin për kryerjen e veprave penale.
Objektet e sekuestruara iu kthyen pronarëve të ligjshëm, ndërsa hetimet vazhdojnë.
