Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
“Kemi gjetur shkelje nga policia e shtetit”/ Avokatja e Popullit: Mënyra e ndalimit të ish-presidentit Meta, në shkelje të dinjitetit njerëzor
PiranjatPërditësimi i fundit 30 Tetor 2025, 18:55
Avokatja e Popullit, Erinda Ballanca, në fjalën e saj sot në Kuvendin e Shqipërisë ku raportoi për veprimtarinë e institucionit që drejton për vitin 2024, iu përgjigj pyetjes së deputetit të Partisë së Lirisë, Tedi Blushi në lidhje me shkeljet ligjore gjatë momentit të arrestimit të ish-presidentit të Republikës Ilir Meta.
Balanca tha se nga rekomandimet që i kanë dërguar Policisë së Shtetit dhe Ministrisë së Brendshme, kanë konstatuar shkelje nga policia e shtetit, ku është konstatuar shkelje e dinjiteti njerëzor të Metës.
Po ashtu, shkelje ligjore për Avokatin e Popullit ka qenë dhe prezenca e Forcave të Ndërhyrjes së Shpejtë gjatë arrestimit.
“Ne i kemi drejtuar një rekomandim policisë së shtetit dhe ministrisë së Brendshme në lidhje me momentin e arrestimit të zotit Meta. Ne nuk kemi gjetur shkelje të institucioneve të drejtësisë, ne kemi një mandat shumë të kufizuar si avokat i Popullit. Ne nuk merremi me meritën, me thelbin e vendimmarrjeve,
Përsa i përket policisë së shtetit, kemi gjetur shkelje. Ajo që kemi identifikuar së fundmi se mënyra e ndalimit ëhstë bërë në kundërshtim me ligjin pasi nuk është ruajtur dinjiteti njerëzor i zotit Meta. Është një nga ato cështje që duhet trajtuar me seriozitet. Dinjiteti i çdokujt do të ishte i cënuar.
Një shkelje tjetër që ne gjetëm, në rastin konkret kishin ndërhyrë Forcat Speciale, të cilat me ligj ndërhyjnë vetëm në rastet kur personi shfaq rrezikshmëri të shtuar”, tha avokatja e Popullit. Ballanca shtoi më tej se nuk kishte asnjë justifikim nga policia e shtetit, por në 2 dokumentet që janë marrë nga zoti Meta, nuk është identifikuar dhunë ndaj tij as në momentin e hyrjes së bllokut të sigurisë.
“Në lidhje me pretendimin se duhet të kishte persona nga BKH apo SPAK, ky pretendim nuk gjen mbështetje ligjore.
Kemi patur një përgjigje nga policia e shtetit në lidhje me këtë rekomandim, e kanë marrë në konsideratë dhe do ta kenë në kujdes për rastet e ardhshme”, tha Ballanca.
