Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
“Kërkojmë çuna për të shpërndarë kokainë”, Piranjat zbulojnë si rekrutohen të rinjtë përmes TikTok-ut
Piranjat NewsPërditësimi i fundit 11 Mars 2026, 14:57
Bandat shqiptare të drogës, veprojnë në shumë shtete europiane.
Në rrjetën e “Piranjat News”, ka rënë një prej anëtarëve të grupit të drogës që merret me gjetjen, dhe rekrutimin e të rinjve, për të shpërndarë lëndë të forta narkotike në Gjermani, Zvicër dhe Francë. Përmes TikTok, duke përdorur faqe me pseudonimin “Rreziku 06”, e cila është hapur vetëm pak ditë më parë, ku gjatë javës do të mbyllet për të mos rënë në gjurmët e policisë. Kjo është vetëm një nga mënyrat që përdorin trafikantët e drogës, për të rekrutuar shpërndarësit.
“Kërkohet një djalë për punë me borën (drogën), me makinë duhet të punoj” thotë trafikanti që kërkon të punësoj të rinj shqiptarë për të shpërndarë lëndët narkotike në Gjermani. Fatkeqësisht shumë të rinj të gënjyer nga pagesat shprehin interesin. “Po jam gati”, “Vij unë”, “jam i interesuar për në Hanover”, “gati jemi, 24 orë në këmbë”, janë disa nga përgjigjet e personave të interesuar që duan të punësohen.
“Kush dëshiron të punojë me të kuqe në Zvicër, për 10 mijë euro në muaj, më kontaktoni çuna”, shkruan në ofertën tjetër trafikanti.
Ndërkohë rrjeti ushtron aktivitetin e tij, edhe në Francë përveç Gjermanisë dhe Zvicrës. Oferta të tjera pune për djemtë shqiptarë bëhet në Francë. Rrjetet shqiptare të drogës janë fuqizuar vitet e fundit duke shtrirë aktivitetin në të gjithë europën. Shumë të rinj, bien viktima të bandave të drogës, me ëndrrën për tu pasuruar brenda pak ditëve./Piranja News
