Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
AKTUALITET
Korrupsioni në Shëndetësi, Apeli i GJKKO-së lë në burg Sekretaren dhe zyrtaren e Ministrisë
PiranjatPërditësimi i fundit 22 Qershor 2023, 13:35
Apeli i GJKKO-së, ka lënë në fuqi vendimin e Shkallës së Parë për Sekretaren e Përgjithshme të Ministrisë së Shëndetësisë, Joana Duro dhe zyrtaren e lartë të shërbimeve publike Laura Shteto, të cilat janë në arrest nën akuzën e korrupsionit pasiv. Togat të zeza të Apelit nuk pranuan kërkesën e tyre për masë më të butë se arresti në burg.
Më herët, GJKKO, vendosi ta lirojë nga qelia duke caktuar "arrest në shtëpi" për Vladimir Topin, administrator i kompanisë fituese të tenderit të Ministrisë së Shëndetësisë për supervizimin e qendrave shëndetësore në Tiranë dhe Durrës.
Ndërkohë për inxhinierin e kompanisë "Dricons" shpk, Silvi Shehu, GJKKO vendosi masën e arrestit në burg pa afat. Ata akuzohen për korrupsion aktiv, ndërsa togat e zeza caktuan masë më të butë për administratorin për shkak të moshës.
Ata u arrestuan më 2 qershor 2023, pasi dyshohet se Duro mori ryshfet 330 mijë lekë për të favorizuar kompaninë e Vladimir Topit në një tender të hapur nga ministria për supervizimin për rikonstruksionin e qendrave shëndetësore në Tiranë dhe Durrës.
Vlera prej 330 mijë lekësh, që përmendej në përgjime, u gjet brenda një zarfi në zyrën e personit të ngushtë të ministres Ogegerta Manastirliu, `zarf për të cilin Joana Duro tha se nuk kishte dijeni çfarë kishte brenda.
Hetimet për këtë çështje nisën nga disa përgjime të një dosjeje tjetër të hapur nga SPAK.
