Gjesti
KOSOVË- Katër djem, shqiptarë të Shqipërisë, Kosovës, Maqedonisë së Veriut të cilët jetojn&eu...
AKTUALITET
Kultivonte drogë në një pyll në Mukje, arrestohet 53-vjeçari në Krujë
n.fPërditësimi i fundit 20 Maj 2024, 08:59
Droga
KRUJË-Një 53-vjeçar është arrestuar ditën e sotme në Krujë. Mësohet se arrestimi i 53-vjeçarit ka ardhur pasi ai u kap duke kultivuar drogë në një pyll në fshatin Mukje.
Më tej në njoftimin e policisë bëhet me dije gjatë kontrollit në disa ambiente të pyllëzuara të fshatit Mukje u gjetën dhe sekuestruan në cilësinë e provës materiale, 65 bimë të dyshuara narkotike cannabis.
Njoftimi i plotë:
Krujë/ Komisariati i Policisë Krujë, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në vijim të punës për parandalimin e kultivimit të bimëve narkotike, në zbatim të masave të përcaktuara në planin operacional "Territor i pastër", ka finalizuar operacionin e koduar "Plant 3".
Si rezultat i tij u arrestua shtetasi B. M., 53 vjeç, banues në Mukje, Krujë. Ky shtetas dyshohet se ka kultivuar bimë narkotike, në fshatin Mukje. Gjatë kontrollit në disa ambiente të pyllëzuara të fshatit Mukje, shërbimet e Policisë gjetën dhe sekuestruan në cilësinë e provës materiale, 65 bimë të dyshuara narkotike cannabis. Materialet procedurale i kaluan Prokurorisë.
