Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
"Kur ishte shtatzënë ja ka futur kokën në zbardhues"/ Dalin të tjera DËSHMI tronditëse nga vrasja e Enkelejda Danajt
b.zPërditësimi i fundit 17 Maj 2024, 11:30
GREQI - Dëshmi të tjera janë dhënë para hetuesve për vrasjen e 40-vjeçares shqiptare Enkelejda Danaj, nga ish-bashkëshorti i saj Eduard Danaj. Vëllai i viktimës ka treguar se Eduardi ishte një person i dhunshëm dhe shpesh motra e tij ka rënë pre e kërcënimeve dhe abuzimeve të tij. Ai tregon se kur 40-vjeçarja ka qënë shtatzënë me fëmijën e parë, Eduardi ja ka futur kokën në zbardhues.
“Ai është i dhunshëm dhe ndërkohë që ka pasur tre denoncime, ka pasur mbi 40 incidente”. Ai e ka kërcënuar disa herë me thikë. Kur ajo ishte shtatzënë me fëmijën e parë, ia kishte futur kokën në zbardhues. Vazhdimisht kërcënonte edhe fëmijët, pinte shumë",- tregon ai.
Më pas ai thekson se gjithçka që familja e viktimës kërkon është drejtësi. Në të njëjtën kohë, një dëshmitar nga një lokal thotë se autori 50-vjeçar ka mbetur pranë vendit të ngjarjes disa orë pas vrasjes së viktimës.
“E kemi parë autorin pas vrasjes, rreth orës 8, teksa kishte mbërritur policia dhe ambulanca, duke qenë pranë vendit të ngjarjes dhe duke parë se çfarë po ndodhte”,- tregon dëshmitari. Ndërkohë autori ka pranuar krimin e rëndë dhe pritet të dalë në prokurori.
40-vjeçarja, Enkelejda Danaj u gjet e pajetë mëngjesin e djeshëm në kryqëzimin e rrugëve Parnithos dhe Aristotelous, një nga pikat më qendrore të Menidit në Greqi. Ajo ishte goditur me thikë në bark nga ish-bashkëshorti i saj, Eduart Danaj 50-vjeç me origjinë nga Vlora. Raportohet se 40-vjeçarja e kishte denoncuar tre herë ish-bashkëshortin për dhunë në familje, por ky i fundit është lënë i lirë nga policia vendase. Sipas informacioneve të mediave greke, Enkelejda kishte përmendur në denoncimet e saj se 50-vjeçari, kishte nisur të konsumonte sasi të mëdha alkooli dhe të bëhej i dhunshëm, ku si pasojë e ka dhunuar dhe kërcënuar disa herë. Hera e fundit që 40-vjeçarja e kishte denoncuar sërish për dhunë në familje (kanosje, lëndim fizik dhe fyerje) ka qenë më 7 maj 2024. Më pas burri është arrestuar dhe dërguar në prokurori, ndërsa do të dilte para gjyqit më 17 maj.
