Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Kush është ish-futbollisti që sfidoi uniformat blu në Korçë, ja video live nga momenti kur përndiqej nga policia
PiranjatPërditësimi i fundit 19 Shtator 2025, 22:57
Personi që shihni më sipër është 27-vjeçari Konstandin Dramolli, i cili shfaqet në një video, ndërsa ndiqet nga forcat e policisë së Korçës. Sirenat e policisë dëgjohen në sfond, ndërsa efektivët i bëjnë thirrje me megafon që të ndalojë mjetin. Por ai nuk i bindet urdhrave, ndez telefonin dhe fillon një transmetim live në momentet kur është në ndjekje nga policia.
Dramolli nga Korça u bë i njohur për sulmin ndaj fasadës së Bashkisë së Korçës, ndërsa më parë ka qenë dhe një futbollist profesionist i ekipit të Skënderbeut. Në njoftimin për mediat, policia bën me dije se ai është arrestuar në flagrancë, pasi në aksin “Qafë Plloçë–Qukës” nuk i është bindur urdhrit të punonjësit të Policisë Rrugore për të ndaluar automjetin.
Kostandin Dramolli, i njohur me emrin artistik “Çekiçi 14” pas tërheqjes nga futbolli është aktualisht aktiv në skenën e muzikës “rap”. Emri i tij është i lidhur ngushtë me zonën ku ka jetuar dhe me një identitet rebel, të cilin nuk ka hezituar ta shfaqë edhe publikisht.
Në karrierën e tij sportive, Dramolli ka qenë pjesë e ekipeve si Skënderbeu, ku është shpallur kampion me ekipin U-19 – Bylis, Pogradeci, Maliqi dhe Pierikos në Greqi. Pas incidentit, në rrjetet sociale janë ndezur debatet, ndërsa burime pranë autoriteteve bëjnë me dije se i riu është person me precedentë penalë dhe më herët është dënuar me burg nga gjykata.
