Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Kush është Moisi Habilaj? Historia e trafikut të drogës dhe arratisjes nga drejtësia
PiranjatPërditësimi i fundit 13 Qershor 2026, 23:10
Moisi Habilaj është një nga emrat më të njohur të dosjeve të trafikut ndërkombëtar të drogës mes Shqipërisë dhe Italisë.
Ai është shpallur fajtor për trafikim narkotikësh në katër episode të ndryshme gjatë periudhës 2013-2017, si dhe për pjesëmarrje në grup të strukturuar kriminal.
Në Shqipëri, Gjykata e Posaçme kundër Korrupsionit dhe Krimit të Organizuar (GJKKO) e dënoi me 15 vite burg, por për shkak të gjykimit të shkurtuar dënimi iu ul në 10 vite.
Paralelisht, Habilaj u përball edhe me drejtësinë italiane. Në vitin 2021, Gjykata e Apelit e Katanias e dënoi përfundimisht me 15 vite e 5 muaj burg për trafik ndërkombëtar droge.
Në të njëjtin proces u dënuan edhe disa bashkëpunëtorë të tij, mes tyre Meridian Sula, Nezar Seiti, Antonino Riela, Vinccenso Spanpinato, Angjelo Buzaka, Xhanluka Pasavanti dhe Xhuzepe Greko.
Megjithëse fillimisht autoritetet italiane i kishin zbutur masën e sigurisë, duke e kaluar nga qelia në arrest shtëpie, Habilaj u arratis para se të ekzekutohej vendimi përfundimtar.
Kur autoritetet shkuan në adresën e deklaruar prej tij në Raguzë të Italisë, ai nuk u gjet në banesë.
Pas vitesh në kërkim, Moisi Habilaj u arrestua këtë të shtunë nga forcat RENEA në një beach bar në Borsh.
