"Ky nuk është momenti i duhur!" Vrasja e 14-vjeçarit/ Kryetarja e Dhomës së Ndërmjetësimit: Do të ofrohet ndërmjetësim për familjet e viktimës dhe autorit

TIRANA- Kryetarja e Dhomës së Ndërmjetësimit, Drita Avdyli ka folur sot në lidhjen me vrasjen e 14-vjeçarit, Martin Cani. E ftuar në emisionin “Breaking” në Top News, Avdyli tha se situata është sensitive, ndërsa ofroi ndërmjetësim mes dy familjeve, por në momentin e duhur. Ajo ka shtuar se ndërmjetësimi do të ofrohet edhe për shokët e viktimës e autorit, për të shmangur kështu një tjetër konflikt të mundshëm.

"Vetëgjyqësia ka lindur nga mosfunksionimi të procese gjyqësore. Në botë dhe në Shqipëri për të gjetur zgjedhje ka qene vetëgjyqësimi. Ky i mitur do dënohet sipas Kodit Penal për të miturit. Ndërmjetësimi mund të arrijë në shuarjen e pasojave të konfliktit. Në këto raste sugjerohet ndërmjetësimi. Ne do të vetë ofrohemi, por ky nuk është momenti i duhur.

Do gjejmë momentin për të bërë ndërmjetësimin mes dy familjeve, por edhe shokëve. Unë do i drejtohem edhe ministrit të Drejtësisë. Në botën përtej Shqipërisë, në BE, janë futur ndërmjetësit që bëjnë të mundur shuarjen e konflikteve. Ky ishte një rast fatal. Në shkolla kemi grindje pothuajse përditë. Në këto raste duhen këshillime nga ana e psikologëve”, tha Avdyli.

martin cani