Një ngjarje tragjike goditi familjen shqiptare Manati, me origjinë nga Lushnja, në Jacksonville të Floridës, ku tre fëmijë hu...
AKTUALITET
Lirohet nga burgu ish-ministri Lefter Koka
PiranjatPërditësimi i fundit 11 Dhjetor 2025, 11:35
Ish-ministri i Mjedisit, Lefter Koka është liruar nga qelitë e burgut. Koka ishte arrestuar për aferën e inceneratorëve dhe është liruar pas katër vitesh në burg.
Gjykata e Posaçme ka shuar këtë të enjte masën e arrestit me burg për inceneratorin e Fierit.
Sa i përket inceneratorit të Elbasanit, Koka ka përfituar lirimin me kusht nga Gjykata e Durrësit, ndërsa për inceneratorin e Tiranës, dënimi është konsideruar i shlyer me kohën e kaluar në paraburgim.
Me këto zhvillime, të tre dosjet penale ku Koka ishte i përfshirë Elbasani, Tirana dhe Fieri, nuk kanë më masa sigurie në fuqi, duke i hapur rrugën lirimit të tij pas katër vitesh heqje lirie.
Në prill të këtij viti, GJKKOI ka dënuar me 3 vjet burg ish-Ministrin e Mjedisit Lefter Koka për inceneratorin e Tiranës. Koka duhet të vuante 2 vite burgim për shkak të gjykimit të shkurtuar. Bashkë me burgun që ka kryer, Koka nuk lejohet që të mbajë funksione publike për 5 vite.
SPAK çoi për gjykim një pjesë të të akuzuarve për inceneratorin e Tiranës mes të cilëve edhe ish-ministrin e mjedisit Lefter Koka, si dhe disa ish-zyrtarë të bashkisë së Tiranës dhe anëtarë të komisionit të vlerësimit të ofertave.
