Hetuesit e ngjarjes së ndodhur në stacionin e karburantit “EIDA” në zonën e Brrylit në Tiranë nuk kanë ende nj&...
AKTUALITET
Malltezi: Rrugët e reja po shemben nga korrupsioni, po shkatërrohet lumi Shkumbin
PiranjatPërditësimi i fundit 25 Shkurt 2026, 17:04
Jamambër Malltezi, drejtues i Departamentit të Mjedisit në Partinë Demokratike, ka ngritur akuza të forta për korrupsion në ndërtimin e rrugëve të reja dhe për dëme të rënda mjedisore.
Sipas tij, shembja e segmenteve rrugore si Korçë-Ersekë dhe ndërhyrjet në lumin Shkumbin janë pasojë e projekteve të dobëta, mungesës së kontrollit dhe abuzimit me fondet publike, ndërsa institucionet e drejtësisë, përfshirë SPAK, sipas tij, nuk kanë vepruar.
Jamambër Malltezi: Lidhur me këto ju e përmendët që janë vetëm rrugët e reja që po shemben. Fakti që janë vetëm rrugët e reja që po shemben tregon që aty po vidhet, aty nuk po bëhen siç duhet. Aty ose projektet kanë qenë pa projekte, siç janë bërë për fat të keq disa nga rrugët pa projekte, ose kanë qenë sipërfaqësore, pra të pashoqëruara me analiza të mirëfillta, gjeologjike, tektonike, hidraulikës, hidrodinamike e të gjitha me radhë.
Pra, kanë qenë thjesht sipërfaqësore. Ose zbatimi është bërë thjesht duke ndarë paratë pastaj dhe duke ndarë paratë pastaj nuk ka pasur më njeri mend të monitorojë cilësinë e rrugës. Për këtë neve duhet të na i thotë, duhet të na i thotë prokuroria, duhet të na i thotë SPAK-u. Këto nuk ndihen për fat të keq. Të kemi parasysh që para dy vitesh u shemb e gjithë rruga Korçë-Ersekë, mos gabohem.
Ajo rrugë të cilën e kishte inauguruar Edi Rama ndërkohë s'ishte marrë në kolaudim, u shemb e gjitha.
Nuk kemi fare përgjegjësi sot e kësaj dite. Pra, janë, janë vjedhje të vazhduar, janë vjedhje në vijim, shumë miliona euroshe, të cilat nuk ka përgjegjësi. Kanë autor por nuk kanë përgjegjësi. Pse? Sepse ndajnë paratë. Ndajnë paratë me Edi Ramën, me sa duket ndajnë paratë edhe me prokurorët dhe gjyqtarët. Prandaj nuk ka përgjegjësi fare. Të kemi parasysh që rruga Korçë-Ersekë është çuar nga një inxhinier gjeodet, zoti Nazarko, është depozituar në SPAK prej pesë apo gjashtë vitesh.
Çfarë është bërë? Asgjë. Pse? Po ndahen paratë, ose s’ka dhënë leje i madhi. Kaq e thjeshtë është. Në rastin e rrugës këtu në Dragoshtunjë, kemi qartazi kemi shkatërrimin e Shkumbinit. Për fat të keq kjo qeveri ka shpallur luftë mjedisit dhe natyrës.
Çfarë ka ndodhur? Kanë dhënë leje kriminale, leje plot kuptimin e fjalës kriminale, për të marrë sedimentet, për të marrë zhavorret e lumit Shkumbin dhe për t'i përdorur këto zhavorre si materiale ndërtimi. Pse? Vetëm për të ulur kostot, ato që vjedhin shumë miliona, qindra miliona euro, thjesht ulin kostot në mënyrë që mos të marrin inerte nga mali.
Po, në mes të ditës, direkt me zhavorin. Ja marrin zhavorret lumore. Po të kemi parasysh që ato zhavorre lumore që ne shohim, janë produkt i mijëra e miliona viteve, natyrë. Pra, si formohen gurët dhe rëra? Formohen nga, nga reshjet e mëdha që marrin shkëmbinjtë nga mali. Shkëmbinjtë nga mali duke u rrokulluar në lumenj dhe duke prodhuar gurë më të vegjël. Pra është një proces i cili ka zgjatur mijëra dhe miliona vite, nuk është një proces që mund ta zëvendësosh menjëherë. Pra, ti po heq 10 kamion zhavorr aty, po në fakt ti po heq historinë e 1 milion viteve sedimentologji që ndodhet aty. Është, është e tmerrshme.
Është e tmerrshme masakra mjedisore që kanë bërë. Mirëpo kjo masakër çfarë bën? Lumi është si një qenie. Është një qenie pothuajse e gjallë, por nuk e ka ciklin e jetës, nuk e ka kaq të shkurtër sa njeriu, e ka më të gjatë. Po lumi mbathet me sedimente gjatë jetës së tij. Mund të ndryshojë drejtim gjatë jetës së tij. Por, ndërkohë, sjell edhe sedimente, depozita. Këto depozita, qoftë lymore, qoftë ranore, qoftë zhavorrore, janë depozita mijëra e miliona vjeçarësh, të cilat sigurojnë dhe integritetin e gjithë skarpatës.
