I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
AKTUALITET
Manovra të rrezikshme në rrugë, rrjetet sociale “u bëjnë gropën” pesë shoferëve
PiranjatPërditësimi i fundit 9 Tetor 2025, 11:52
Policia ka gjobitur pesë shoferë, të cilët bënin manovra të rrezikshme në rrugë.
Pas publikimit të videove në rrjetet sociale, ku personat në fjalë shfaqeshin duke rrezikuar jetët e shoferëve të tjerë, policia ka nisur hetimet dhe më pas ka ndëshkuar këta persona.
Në njoftimin e policisë theksohet se të dy shoferëve në Lezhë iu janë hequr nga 10 pikë si dhe janë gjobitur me nga 12.000 lekë të reja, teksa tre shoferët në Elbasan janë gjobitur me nga 10.000 lekë të reja.
Në lidhje me 3 video të postuara në rrjete sociale, në të cilat shfaqen 3 automjete që shkelin rregullat e qarkullimit rrugor, bëjmë me dije se:
Specialistët e Sektorit të Policisë Rrugore kanë kryer veprimet verifikuese dhe kanë vendosur masat përkatëse administrative si më poshtë:
Është ndëshkuar me masë administrative 10 000 lekë, bazuar në pikat 10 dhe 16 të nenit 146 të Kodit Rrugor, drejtuesi i automjetit që ka kryer parakalim të gabuar, në aksin rrugor "Elbasan-Peqin";
Është ndëshkuar me masë administrative 10 000 lekë, bazuar në pikat 10 dhe 16 të nenit 146 të Kodit Rrugor, drejtuesi i automjetit që ka kryer parakalim të gabuar, në aksin rrugor "Elbasan-Peqin";
Është ndëshkuar me masë administrative 10 000 lekë, bazuar në pikat 10 dhe 16 të nenit 146 të Kodit Rrugor, drejtuesi i automjetit që ka kryer parakalim të gabuar, në aksin rrugor "Elbasan-Librazhd".
Drejtoria Vendore e Policisë Elbasan fton qytetarët të denoncojnë çdo rast të shkeljes së rregullave të qarkullimit rrugor në numrin pa pagesë 112, duke i garantuar se reagimi do të jetë i menjëhershëm dhe sipas ligjit.
Njoftimi tjetër i policisë:
Kryen parakalime të rrezikshme në aksin rrugor “Mabë–Lezhë”, ndëshkohen me masa administrative 2 drejtues automjetesh dhe iu zbriten 10 pikë nga leja e drejtimit.
Shërbimet e Policisë Rrugore të Lezhës, pas publikimit të një videoje në faqen “Harta Digjitale e Aksidenteve Rrugore”, në të cilën shfaqen dy automjete duke kryer parakalime të rrezikshme në aksin rrugor “Mabë–Lezhë”, kryen menjëherë veprimet për identifikimin e drejtuesve të automjeteve.
Nga verifikimet e kryera, u identifikuan drejtuesit e automjeteve, shtetasit N. Gj. dhe A. L.
Në bazë të Kodit Rrugor, secili nga këta shtetas u ndëshkua me masë administrative 12 000 lekë dhe iu zbritën 10 pikë nga leja e drejtimit.
Policia Rrugore e Lezhës falënderon qytetarët dhe median për kontributin në evidentimin e shkeljeve të rregullave të qarkullimit rrugor dhe i fton ata të vijojnë të denoncojnë raste të tilla, duke i garantuar se reagimi i Policisë do të jetë i menjëhershëm, i paanshëm dhe në përputhje me ligjin.
