SHIJAK- Emisioni investigativ “Piranjat” sjell denoncimin e fundit nga Bashkia e Shijakut, e cila në bashkëpunim me firmën private ...
TIRANË- Në periferi të Tiranës, në fshatin Picallë, rruga kryesore gumëzhin nga zhurma e kamionave. Përgjithësisht zhurma e makinerive tregon zhvillim. Por në këtë rast është e kundërta. Kjo është autokolona e shkatërrimit.
Të mbushur me dherat që dalin nga gropat e kullave të Tiranës dhe inertet e ndërtesave që shkatërrohen për t’u lënë vend atyre, kamionët e oligarkëve të ndërtimit janë duke u shkarkuar në lumin Erzen. Shkatërrimi aq masiv sa që tregohet qartë nga fotot dhe nuk ka nevojë për koment.
Por pse ndërtuesit janë duke masakruar Erzenin? Përgjigja është e thjeshtë. Tashmë inceneratori është i sekuestruar nga shteti dhe askush nuk i shtrëngon më që t’i depozitojnë dherat dhe inertet në landfillin e Sharrës.
Ashtu sic tregoi hetimi i SPAK, dherat ishin biznesi i përbashkët i drejtorëve të bashkisë së Tiranës dhe kompanisë koncesionare të inceneratorit fantazmë. Nga njëra anë kompania korruptonte me rryshfet punonjësit e shtetit që të detyronin ndërtuesit të shkonin në landfill, nga ana tjetër vet Bashkia ishte shumë e zellshme t’i shtrëngonte ndërtuesit të depozitonin në landfill.
Ky ishte një biznes miliona euro në vit, që ndahej mes koncesionarit dhe bashkisë, ose me saktë drejtuesve të saj të korruptuar. Por tani që inceneratori u sekuestrua nga SPAK dhe është në administrim shtetëror, punonjësit e policisë bashkiake nuk e kanë më as incenentivën dhe as direktivën e shefave që të ruajnë kamionët me dherat e ndërtuesve deri sa të depozitohen në landfill.
Për ironi Erzeni është viktima e zbërthimit të një skemë korrupsioni dhe ngjizjes së një tjetre. Tashmë oligarkët e ndërtimit po fitojnë miliona euro duke shkatërruar lumin dhe askujt nuk i bëhet më vonë për krimin e madh mjedisor.
As bashkisë, e cila me sa duket nuk paska patur hallin e pastrimit të Tiranës kur i detyronte ndërtuesit me marrëveshjen e fshetë skandaloze, të depozitonin dherat në landfill. E gjitha paska qenë thjesht biznes dhe ndarje parash./ Kapitali.al
TIRANA- Audituesi ligjor dhe konsulenti tatimor Julian Saraçi tha se regjistrimet në QKB dhe deklarimet tatimore në sistemin e tatimeve qendr...
TIRANA- Sistemi aktual i taksave vendore kërkon një reformë të thellë në strukturë, varësi institucionale, barrë ...
TIRANA- Biznese të ndryshme ngrenë shqetësimin për llogaritje të pasaktë të detyrimit të taksave vendore për viti...
foto ilustruese Dashi Të dielen bëhuni gati për një ditë kaq emocionuese sa një fillim! Energjia e planetit të kuq rrje...
