Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Masakra mjedisore në Shijak/ Ja si shfajësohej një muaj më parë kryebashkiaku Arbana para "Piranjave", përball fakteve mohonte depozitimin e mbeturinave në Hardhishtë
n.fPërditësimi i fundit 31 Maj 2025, 13:57
SHIJAK- Prej mbrëmjes së djeshme është ngritur sërish shqetësimi i banorëve të fshatit Hardhishtë në lidhje me djegien e mbetjeve urbane. Një problematikë shqetësuese e cila ndot mjedisin dhe rrezikon shëndetin e banorëve të kësaj zone. Ky nuk është rasti i parë që ndodh në këtë fshat pasi herë pas herë janë denconuar mbetjet në këtë fshat ku për disa javë u trajtua edhe te emisioni “Piranjat”.
Në emision u denoncua se si Bashkia e Shijakut, në mungesë të një kontrate me Landfillin e Sharrës për depozitimin e mbetjeve urbane në mënyrë krejt të jashtëligjshme i hedh ato në një zonë mijëra m2 në Hardhishtë. “Piranjat” gjithashtu raportuan se në zonën ku po hidhen këto mbeturina punohet me eskavatorin e Bashkisë për të hapur gropa me qëllim mbushjen e tyre me mbetje.
Kryetari i bashkisë së Shijakut, Elton Arbana i mohoi këto fakte. Ai madje gjeti një mënyrë të "veçantë" për tu shfaqjësuar duke i hedhur fajin gazetarit të "Piranjave" që kanë marrë mbetje dhe i kanë hedhur pranë parkingut të Bashkisë. Arbana edhe pasi u ballafaqua qarte me video nga mbetjet vazhdoi të mohonte se kjo masakër ndodh në fshatin Hardhistë.
Edhe pas denoncimit situata në fshatin Hardhishtë ështe e njejtë. Zona është mbyluar nga tym i zi nga mbeturinat që vijojnë e digjen pa marrë parasysh helmimin që po thithin banorët e kësaj zone. Por skema e krybashkiakut edhe sot që flasim, një muaj pas denoncimit të "Piranjave" vijon të jetë i njejtë pasi sërish ka gjetur fajtorë për djegien e mbetjeve.
Arbana fajëson PD-në të cilët i ka quajtur persona dashakeqës që i kanë vënë flakën zonës. Sipas tij këta persona nuk meritojnë të merren me politikë dhe i ka cilësuar si qënie të nerverishme. Krybashkiaku gjithashtu shprehet se qytetarët i kanë ndërshkuar këta individë në zgjedhjet e 11 majit.
