Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
Mbërrin në Tiranë vogëlushja nga tragjedia e Maliqit, me djegie të rënda në trup! Në gjendje kritike për jetën
PiranjatPërditësimi i fundit 19 Tetor 2025, 18:21
Mbërrin në Tiranë vogëlushja nga tragjedia e Maliqit, me djegie të rënda në trup, e cila ndodhet në gjendje kritike për jetën.
Ishte ora 13:30 kur teksa fëmijët luanin në një sfungjer në kuzhinën e tyre shumë të varfër, Merjeme Azisllari 40-vjeçe pikasi tymin e zjarrit. Minutat ishin të tmerrshme dhe shumë tragjike.
Merjemja kishte mundur t’i nxirrte të vegjlit e saj, Lukën 14-vjeç dhe vajzën 6-vjeçare, ndërsa vetë mbeti e vdekur në derën e kuzhinës.
14-vjeçari Luka Azisllari u gjet në gjendje kome jashtë banesës dhe sapo mbërriti në spital humbi jetën. 6-vjeçarja ishte me të djegura të shumta në trup, dhe pas ndihmës së parë në spitalin e Korçës ka mbërritur në QSUT në Tiranë, në gjendje të rëndë.
Ndërsa fqinjët tregojnë dinamikën dhe japin edhe një detaj tjetër shumë të rëndë, që të dy fëmijët ishin me çregullime të spektrit autik. Për të mbajtur familjen punonte vetëm kryefamiljari.
“Të dy fëmijët ishin autikë. Unë për momentin nuk isha por aty, po ajo ka një krevat sfungjeri dhe ata fëmijët trazonin zjarrin. Ka rënë zjarri aty, kishte djegur sfungjerin dhe dihet që bëri shumë tym, pa flake”, tha një fqinjë.
“Fëmijët me autizëm, nëna ishte mirë. Nëna nuk punonte, vetëm i ati punonte në familje. Ishin në kushte të vështira ekonomike. Nuk di se si ka ndodhur ngjarja. Tani më thanë një familjar. Erdha të pyes se sa pashë zjarrfikësen”, u shpreh një tjetër fqinj.
