Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
AKTUALITET
Me kallashnikov dhe municione të tjera luftarake në banesë, arrestohet 57-vjeçari në Elbasan, procedohet në gjendje të lirë vëllai i tij
M.B.Përditësimi i fundit 2 Qershor 2024, 13:55
Armët
ELBASAN- Policia ka ushtruar kontrolle në banesat e dy vëllezërve në Elbasan ku janë gjetur kallashnikov, armë zjarri e municione që i mbanin pa leje. Gjatë kontrollit në banesat e 65-vjeçarit me iniciale A. M. dhe 57-vjeçarit B. M., në fshatin Gjergjan, shërbimet e Policisë gjetën dhe sekuestruan:
1 armë zjarri kallashnikov me 2 karikatorë me 80 fishekë; 1 armë gjahu gjysmë automatike; 1 armë zjarri pushkë (trofe); 2 pushkë pneumatike; 1 armë pneumatike me dylbi të montuar; 1 palë dylbi; 1 mjet prerës (thikë) i kombinuar me përforcues grushti.
Në pranga u vendos 57-vjeçari, ndërsa i vëllai u procedua penalisht në gjendje të lirë për arsye shëndetësore.
Njoftimi:
Elbasan/Finalizohet operacioni policor i koduar "Vëllezërit", kundër armëmbajtjes pa leje. Operacioni u zhvillua nga Komisariati i Policisë Elbasan, si rezultat i hetimit me metoda proaktive të informacioneve të siguruara nga inteligjenca policore.
Gjatë operacionit, në banesat e 2 vëllezërve u gjetën 1 armë zjarri kallashnikov, 1 armë gjahu, 3 armë pneumatike, 1 pushkë trofe, 1 palë dylbi, 2 karikatorë, municion luftarak dhe 1 mjet prerës (thikë). Vihet në pranga njëri prej vëllezërve dhe procedohet në gjendje të lirë, për arsye shëndetësore, vëllai tjetër.
Shërbimet e Komisariatit të Policisë Elbasan, në vijim të punës për evidentimin dhe goditjen e veprimtarisë kriminale të posedimit të kundërligjshëm të armëve të zjarrit, në zbatim të masave të përcaktuara në planin operacional mbarëkombëtar "Sundimi i ligjit", kanë siguruar informacion për 2 raste të posedimit të armëve të zjarrit.
Ky informacion është hetuar me metoda proaktive, në drejtimin e Prokurorisë së Elbasanit, dhe si rezultat është finalizuar operacioni policor i koduar "Vëllezërit".
Në kuadër të këtij operacioni, në fshatin Gjergjan, në banesat e shtetasve A. M., 65 vjeç dhe B. M., 57 vjeç, shërbimet e Policisë gjetën dhe sekuestruan në cilësinë e provës materiale:
1 armë zjarri kallashnikov me 2 karikatorë me 80 fishekë; 1 armë gjahu gjysmë automatike; 1 armë zjarri pushkë (trofe); 2 pushkë pneumatike; 1 armë pneumatike me dylbi të montuar; 1 palë dylbi; 1 mjet prerës (thikë) i kombinuar me përforcues grushti.
Në vijim të veprimeve procedurale për këto raste, u arrestuan në flagrancë shtetasi B. M., 57 vjeç, dhe u procedua në gjendje të lirë, për arsye shëndetësore, vëllai i tij, shtetasi A. M., 65 vjeç.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
