Tensione janë shënuar gjatë protestës së studentëve dhe pedagogëve para Ministrisë së Arsimit, ku policia ka nd&e...
AKTUALITET
“Mirëmbajtja Rrugore”/ Zbardhen detaje për sekuestrimin e armëve. Eugert Sino: Nuk e di kush i futi!
PiranjatPërditësimi i fundit 30 Tetor 2025, 10:16
Të tjera detaje janë zbardhur nga arsenali i armëve të zbuluara një ditë më parë në zonën e “Myslym Shyrit” në Tiranë. Mësohet se furgoni me të cilën trafikantët kamufloheshin me mbishkrimin “Mirëmbajtja Rrugore” ishte në emër të personit të arrestuar, shtetasit Eugert Sino.
Sino i marrë në pyetje mbrëmjen e djeshme nga policia ka mohuar të ketë lidhje me armët me argumentin se nuk ka dieni kush i ka futur aty, në një kohë që furgoni qëndronte i parkuar pranë banesës së tij.
Mësohet mjeti me mbishkrimin “Mirëmbajtja Rrugore” kishte më shumë se një muaj që qëndronte i parkuar në zonë dhe se është ruajtur me efektivë civilë për të zbuluar kush hynte dhe kush dilte nga furgoni.
Fillimisht është ndërhyrë nga Policia Rrugore, si një manovër e agjentëve të policisë, me argumentin se kishte bllokuar rrugën dhe sapo janë konstatuar armët është bërë ndërhyrja nga agjentët e krimeve. Armet do perdoreshin per ngjarje kriminale.
Sipas burimeve mësohet se armët e kapura në Tiranë, dyshohet se ishin planifikuar të përdoreshin në ngjarje kriminale nga një grup kriminal me bazë në Tiranë, Laç dhe Burrel.
Hetuesit kanë zbuluar, përveç automjetit që u kap në zonën e “Myslym Shyrit”, edhe bazën kryesore të grupit, ku mbaheshin armët, në po të njëjtën zonë në afërsi.
Armët e kapura janë relativisht të reja, dhe dyshohet se janë trafikuar nga Kosova, por nuk kanë lidhje me goditjet e mëparshme që janë bërë për trafik armësh. Hetuesit po punojnë për identifikimin e personave të tjerë që mund të jenë pjesë e rrjetit.
