Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
AKTUALITET
Misteri i vdekjes së 67-vjeçarit të Shkodër/ Zbardhet historia e gjakmarrjes me fisin Çekorja
PiranjatPërditësimi i fundit 29 Dhjetor 2025, 16:56
Të tjera detaje kanë dalë në dritë nga vdekja e 67-vjeçarit Hysni Ymeri, paraditen e sotme në Shkodër, i cili humbi jetën në hyrje të pallatit pas një shpërthimit në matësin e energjisë elektrike.
Deri më tani OSHEE dhe Policia kanë dalë me dy versione të ndryshme lidhur me rastin, ndërsa janë ngritur dyshime për vendosjen e një sasie eksplozvi në matësin e energjisë.
Burime për mediat bëjnë me dije se Hysni Ymeri, është vëllai i një personi të dënuar me burg për një vrasje të ndodhur shumë vite më parë në Shkodër dhe ka dyshime se ngjarja mund të jetë edhe një atentat për hakmarrje.
Historia e vrasjes
Në vitin 1995 në Kiras është vrarë Shefqet Çekorja nga vëllai i Hysni Ymerit. Pas asaj ngjarje autori është arrestuar nga policia e cila e zbardhi atë vrasje dhe është dënuar nga gjykata. Ndërkohë sipas raportimeve, disa vite më pas sipas burimeve dy familjet kanë shtrirë dorën e pajtimit. Shefqet Çekorja është vëllai i Ismet Çekores që u vra në shtatorin e vitit 2022 në afërsi të banesës.
Djali i Hysni Ymerit i cili jeton jashtë Shqipërisë ka ardhur me 25 dhjetor për shkak se nëna e tij vuan nga kanceri dhe mjekët nuk i kanë dhënë shumë kohë për jetën nënës. Edhe sot përpara ngjarjes, ai ndodhej në spital me nënën.
Deri më tani nuk janë përcaktuar ende shkaqet apo rrethanat e sakta të ngjarjes, ndërkohë që grupi i antiterrorist ka mbledhur materialet të cilat do t’i nënshtrohen analizave laboratorike dhe do të jenë këto të fundit që do ta përcaktojë nëse ka patur apo jo tritol.
