Mori një automjet me qira dhe e shiti, arrestohet 43-vjeçari i shpallur në kërkim në Lushnje

Foto ilustruese

LUSHNJE- Një 44-vjeçar është vënë në pranga ditën e sotme në Lushnje. Mësohet se arrestimi i tij ka ardhur pasi ai përmes mashtrimit kishte shitur një automjet të marrë me qira.

Sipas njoftimit të policisë 44-vjeçari ishte shpallur në kërkim pasi Gjykata e Fierit e kishtë dënuar me burg për veprën penale "Mashtrimi". I arrestuari gjatë periudhës shkurt-mars 2024 kishte marrë automjete me qera, duke mos kryer pagesën, e më pas nuk i kishte kthyer më. Njërin nga automjetet e marra me qera nëpërmjet mashtrimit, ia ka shitur një personi në fshatin Frakull e Madhe.

Njoftimi i plotë:

Lushnjë/Në zbatim të masave të planit operacional të koduar “Sundimi i ligjit”, kapet 1 shtetas në kërkim kombëtar. I shpallur në kërkim për veprën penale "Mashtrimi", kapet dhe vihet në pranga 43-vjeçari.

Në vijim të aksioneve intensive të Policisë, të kryera në kuadër të operacionit policor kombëtar të koduar “Sundimi i ligjit”, për kapjen e shtetasve të shpallur në kërkim kombëtar, bazuar dhe në informacionet e siguruara nga inteligjenca policore, shërbimet e Komisariatit të Policisë Lushnjë kanë kapur dhe vënë në pranga shtetasin: J. Sh., 43 vjeç, banues në Lushnjë.

Gjykata e Fierit ka caktuar masë sigurie "Arrest me burg", për këtë shtetas, për veprën penale "Mashtrimi", pasi në periudhën kohore shkurt-mars 2024, nëpërmjet mashtrimit ky shtetas ka marrë automjete me qera, duke mos kryer pagesën, e më pas nuk i ka kthyer më. Njërin nga automjetet e marra me qera nëpërmjet mashtrimit, ia ka shitur një shtetasi në fshatin Frakull e Madhe, Fier. Materialet procedurale i kaluan Prokurorisë për veprime të mëtejshme.

lushnje arrestim mashtrim