Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
Moti i keq/ Ja si paraqitet situata pas përmbytjeve në qarkun Korçë
PiranjatPërditësimi i fundit 24 Nëntor 2025, 09:59
Situata në qarkun e KOrçës pas reshjeve të ditëve të fundit paraqitet e menaxhueshme, megjithëse në disa zona ndërhyrjet mbeten ende në proces.
Në aksin Qafë Plloçë–Qukës po kryhen pastrime të inerteve nga shtrati i rrugës, ndërsa qarkullimi vazhdon normalisht falë një rruge sekondare të hapur nga subjekti kontraktor.
Në Bashkinë Korçë, ekipet në terren kanë ndërhyrë në disa njësi administrative. Në Voskopojë po kryhen sistemime dhe pastrime në rrugën që të çon drejt varrezave, ndërsa në Bulgarec, në fshatin Çiflig, po pastrohen tombinot përgjatë unazës me ekskavator.
Ekipet në terren kanë vijuar punimet në disa njësi administrative:
Në Voskopojë po kryhen sistemime dhe pastrime në rrugën që të çon drejt varrezave.
Në Bulgarec, në fshatin Çiflig, po pastrohen tombinot përgjatë unazës me ekskavator.
Po monitorohen prurjet e lumit të Kamenicës dhe degëzimet mbi Dvoran.
Në Voskop vijojnë riparimet e argjinaturave të dëmtuara.
Është në proces hapja dhe funksionalizimi i rrugës Tudas–Lavdar–Bozdovec–Mazrekë.
Është ndërhyrë për devijimin e rrjedhës së lumit në urën e Qinamit, për të shmangur rrezikun në këmbët mbajtëse.
Në fshatin Starje, lagjja Kaskollare, janë larguar ujërat nga zonat e prekura.
Punime të tjera janë zhvilluar në Prodan, në shtratin e lumit.
Shërbimi zjarrfikës ka pastruar pusetën qendrore të ujit në qytetin e Ersekës.
Sipas NJVKSH, uji aktualisht është i pijshëm.
Gjatë orëve të para të mëngjesit ka nisur mbyllja e çarjeve në argjinaturat e lumenjve Dunavec dhe Devoll, me mbështetjen e subjekteve private dhe të Ministrisë së Mbrojtjes. Strukturat vendore po vijojnë punën për eliminimin e problematikave në territor.
Situata paraqitet e normalizuar dhe nuk janë raportuar probleme.
Në Progër është punuar për sistemimin e lumit në zonat me prita të dëmtuara dhe është kryer çakullimi i segmenteve rrugore të prekur nga erozioni.
Në Hoçisht është ndërhyrë për sistemimin e lumit të Borshit, ku përmbytjet kishin prekur tokat bujqësore.
Komisionet e verifikimit kanë evidentuar dëme në 62 familje; janë hartuar procesverbalet dhe po vazhdon identifikimi i rasteve të reja.
Janë shpërndarë ndihma ushqimore për familjet e prekura.
Problematika është regjistruar përgjatë lumenjve të Verdovës dhe Rëmenjit, si edhe pranë gurores, ku po ndërhyhet për menaxhimin e rrjedhjeve.
Në Nj.A. Dardhas janë pastruar katër akse rrugore, tashmë të kalueshme.
Po pastrohen pusetat dhe asfalti i rrugëve në qytet.
Në aksin Pogradec–Buçimas, pranë fshatit Gështenjas, ka ceduar rreth 50 metra nga korsia e biçikletave.
Në rezervuarin Stropskë 2 është konstatuar shkarje dherash në një sipërfaqe prej 4 dynymësh; ekipi i emergjencave po vlerëson situatën.
Hidrovori i Tushemishtit funksionon normalisht.
Fideri 6 i N/St Mollas mbetet pa energji në zonën e Kurteshit (11 abonentë ruralë).
Të gjithë fiderat që furnizojnë objektet e rëndësisë së veçantë janë në funksion.
Hidrovori Pogradec vijon punën normalisht (Fideri 8-18).
